Këngëtarja Eleni Foureira bëri edhe një herë përshtypje me praninë e saj në skenën e finales së madhe të Eurovizionit, e cila u mbajt të shtunën, më 18 maj në Tel Aviv.

Me një veshje interesante dhe energjinë që e karakterizon, këngëtarja me origjinë shqiptare u shfaq në skenën e Eurovizionit jo për të kënduar atë që të gjithë prisnin, "Fuego", por "Dancing Lasha Tumbai" të Verka Serduchkas. 

Dhe "djegia" e skenës së Eurovizionit ka shtuar fansat dhe admiruesit e saj si artiste, përfshirë edhe ata në Instagram, ku i ka tejkaluar 1 milion.