Ish-aktorja e filmave me pullë të kuqe, Mia Khalifa ka ndarë së fundmi pamjet nga operacioni i riparimit të implantit të gjoksit, që iu dëmtua nga një disk hokeji.

Doktori që i bëri ndërhyrjen, u shpreh për kamerën e ish-pornostares se implanti i kishte shpëtuar jetën, duke marrë parasysh shpejtësinë e rrezikshme me të cilën po udhëtonte disku në drejtim të saj.

Incidenti ndodhi konkretisht vitin e kaluar, kur Khalifa mori pjesë në finalet e Konferencës Lindore të NHL-së. Disku i hokejit fluturoi mbi xhamin rrethues të pistës dhe u përplas në gjoksin e saj të majtë.

“Thjesht e kapa gjoksin dhe nuk e lëshoja dot, se po më vërshonte gjaku kudo”– u shpreh asokohe Khalifa pasi u godit nga disku që po fluturonte me shpejtësi rreth 80 km/h.