Bordi i Autoritetit të Mediave Audiovizive  i ka tërhequr vëmendjen  televizionit Ora News  për shkak të shkeljeve të normave ligjore dhe etike nga ana e moderatores Roza Lati në emisionin “Why Not”.

AMA shkruan në njoftimin zyrtar se ky vendim është marrë për puntatën e datës 07/04/2018 , ku Roza sëbashku me të ftuarën Gordana Kingji (Baby G) drodhi cigare në studio përpara kamerave, si dhe përdori fjalor vulgar gjatë bashkëbisedimit.

Sipas AMA-s, fjalori i përdorur dhe përgatitja e cigareve në studio promovon si dhe nxit fëmijët për  përdorimin e duhanit dhe të produkteve të tjera të tij, të cilat janë të dëmshme për shëndetin e tyre.

Njoftimi i plotë i AMA-s:

Bordi vendos tërheqjen e vëmendjes për Televizionin Ora News, pasi në Emisionin “Why not”, të datës 07.04.2019, ora 19.00, rezulton në shkelje të normave ligjore dhe etike.

Bordi vëren se fjalori i përdorur gjatë bashkëbisedimit dhe përgatitja e cigareve në studio, para kamerave, promovon përdorimin e duhanit dhe produkteve të tjera të tij, si dhe nxit fëmijët për përdorimin e këtyre produkteve të dëmshme jo vetëm për shëndetin e fëmijëve. Kjo jo vetëm që dëmton dhe cënon fëmijët por gjithashtu bie ndesh me ligjin organik dhe Kodin e Transmetimit, i cili detyron OSHMA-të të vendosin shenja paralajmëruese.

Në vendimin e Bordit të Autoritetit të Mediave Audiovizive shkruhet gjithashtu se televizioni Ora News është gjobitur me vlerën 400 mijë lekë, pasi në emisionin “Ju flet Moska”, ka nxitur intolerancën nëpërmjet shtetasve.

 

 

 

 

View this post on Instagram

 

 

 

 

 

 

 

 

 

E pate kete Why Not me @babygee ??? Meqe te kenga e saj “its me” ne fund te klipit i japin nje rizel.... tham pse jo mos ta bejme kete gje dhe ne studio! ???? Ndiqeni emisionin e plote me link te bio

A post shared by Roza Lati (@roza_lati) on Apr 11, 2019 at 12:35am PDT