Aktorja e preferuar e telenovelave Angelique Boyer është përballur me një incident aspak të këndshëm teksa ka parakaluar në një event të rëndësishëm në Meksikë.

 Në ceremoninë e ndarjes së çmimeve TVYNovelas Awards, ylli i telenovelave ka veshur mbrapsht fustanin e saj duke e pikasur gafën pasi parakaloi në Tapetin e Kuq në krah të partnerit të saj Sebastian Ruli.

Fustani në formë V-je i tejdukshëm i veshur mbrapsht për pak sa i zbuloi dekoltenë aktores së njohur.

Boyer u mundua ta kalonte situatën e sikletshme me humor dhe sportivitet e nuk ndalonte të qeshurat teksa falenderonte fansat që e kuptuan gabimin e saj. 30-vjeçare ishte një ndër fitueset e ceremonisë duke u vlerësuar si Aktorja më e mirë për rolin e saj të Lucia Borges.