Duket se Noizy nuk ka ndërmend të ndalojë dhe strategjia e tij është që të gjithë rivalët t’i sfidojë me jetën luksoze dhe shpenzimet marramendëse që bën, sidomos për makinat.

Së fundmi reper-i na ka prezantuar me atë, që mesa duket mund të bëhet makina e tij e re, një Ferrarri Pista. Makina është e mbuluar me copën e saj origjinale nga fabrika dhe ne nuk mund të shohim ekzaktësisht modelin.

“Mirë çfarë kemi këtu .... @raf_camora a je gati për garë? #Pista”- shkruan ai në përshkrimin e fotos, të cilën më pas e ka fshirë nga profili i tij.

Mesa duket, përveç albumit të ri nga Noizy do të presim edhe një Ferrari të ri në garazhin e tij. Por nuk dihet a u bë gara mes Noizyt dhe reperit gjerman Raf Camora dhe kush fitoi.

Një gjë është e sigurt, që dy repertët, të cilët janë edhe autorët e këngës hit të kësaj vere me titullin “Toto”, janë takuar këtë fundjavë në Dusseldorf. Madje Noizy ka qenë edhe i ftuari special në koncertin super-madhështor (shikon videon më poshtë) të Raf Camorës, ku ishin të pranishëm mijëra fansa dhe ku së bashku kanë kënduar këngën “Toto”.