Eni Vasili rrëfen planet për dasmën, tregon për marrëdhënien me Vjollca Vokshin dhe Ilva Taren

Eni Vasili rrëfen planet për dasmën, tregon për marrëdhënien me Vjollca Vokshin dhe Ilva Taren

19:42, 24/02/2019

Eni Vasili është një nga moderatoret më të ndjekura në ekranin shqiptar. Sezonin e fundit ajo u shfaq në ‘Top Channel’ me emisionin e saj të quajtur ‘Open’. Së fundmi ajo ka qenë e ftuar në programin ‘E diell’, ku ka rrëfyer disa detaje rreth jetës së saj private, por dhe marrëdhënies me koleget e saj.

Gjatë intervistës në “Këndi i së vërtetës” në “E Diell”, Eni e cila e ka mbajtur gjithmonë të blinduar jetën private, u përgjigj se fustanin e bardhë do ta veshë, por jo para zgjedhjeve. Po të njëjtën përgjigje ajo dha edhe për një fëmijë me partnerin e saj.

“Kur do e veshësh fustanin e bardhë?”, ishte pyetja që ju drejtua nga Edi Manushi në një pjesë të emisionit.

Eni vijoi me përgjigjen e saj duke thënë: “Kemi zgjedhjet tani, bëjmë zgjedhjet njëherë, flasim pak më vonë”, duke lënë të kuptohej se ky nuk ishte një plan i afërt i moderatores. Vasili pohoi se për sa i përket marrëdhënies në çift, kanë zgjedhur ta respektojnë mjaftueshëm hapësirën e njëri-tjetrit.

Mirëpo këmbëngulja e Ervinit dhe Manushit nuk mbeti me aq! Kureshtja këtë herë ishte për marrëdhënien mes çiftit, nëse Armandi, ishte posesiv ose jo ndaj Enit!

“Ai nuk është fare posesiv. E respektojmë shumë hapësirën e njëri-tjetrit dhe kjo është një nga arsyet që ne jemi bashkë”, tha duke qeshur Vasili.

Kujtojmë se në dhjetor të 2018-s, Eni Vasili u shfaq në publik me partnerin e saj Armandin, gjatë një eventi në Tiranë, të organizuar nga Lorik Cana.

Më pas gazetari Ervin Kurti, e pyeti për marrëdhënien e saj me koleget në punë, Ilva Taren dhe Vjollca Vokshin. “Me Vjollcën nuk mund të kem marrëdhënie, as nuk e di ku është. Me Ilva Taren nuk kam shumë marrëdhënie të them të drejtën, nuk frekuentohemi shumë, por kjo për shkak të jetës dhe ritmit të saj”- u përgjigj moderatorja.

Eni tregoi dhe detaje të tjera nga jeta e saj, duke thyer kështu heshtjen pas kaq kohësh.

ImageImage

© SYRI.net

Lexo edhe:

Komentet

Shto koment

Denonco