Puntata e sotme e programit “Dua të të bëj të lumtur” ishte ajo e dashurisë së Erjonit dhe Emit, të cilët kishin një historisë sa emocionuese, aq edhe të dhimbshme.

Në momentin që ata ishin takuar kishin rënë në dashuri me njëri-tjetrin. Pas disa muajve Erjoni dhe Emi kishin vendosur që të martoheshin dhe të emigronin për në Gjermani. Për shkak të vështirësive ekonomike ata nuk kishin organizuar një dasëm të cilën Emi e kishte ëndërruar gjithmonë.

Erjoni i ishte drejtuar programit “Dua të të bëj të lumtur” që të falenderonte Emin për dashurinë që ajo i dhuron çdo ditë, por edhe për t’i organizuar një surprizë që nuk do ta harrojë kurrë.

“Të kam sjellë në këtë studio për të të falenderuar për çdo moment të bukur që i ke dhënë jetës sime. Të faleminderit për dashurinë që më jep çdo ditë! Gjithashtu dua të të jap lumturinë më të madhe në jetën tënde.”, u shpreh ai.

Surpriza ishte pikërisht organizimi i një dasme dhe plotësimi i ëndrrës së Emit, që të vishej nuse.

Për të vendosur “qershinë mbi torte” kishte menduar Eli Fara, këngëtarja e preferuar e çiftit.