Këngëtarja Greta Koçi ka folur për fillimet e lidhjes së motrës Eni me reperin Genc Prelvukaj.

E ftuar në emisionin “Trokit”, ajo ndau disa rrëfime të sinqerta në lidhje me raportin e saj me kunatin dhe marrëdhëniet e famijes së saj me të.

Këngëtarja u shpreh se ajo ka qenë pro lidhjes së Enit me Gencin prej fillimit, ndërsa theksoi se reperi ka marrëdhënie shumë të mira edhe me prindërit e saj.

‘Unë kam raporte shumë të shkëlqyera me Gencin. Jo vetëm unë, edhe prindërit e duan shumë, edhe ai po shumë. Kam qenë që në fillim pro lidhjes, e kam dashur gjithmonë. Ai është shumë i edukuar, I dashur. Jam e lumtur për ta dhe uroj: U PLAKSHI BASHKË’.

Sa i përket jetës së saj private Greta u shpreh se po e pret dashurinë me krahë hapur dhe se kur të vijë sigurisht që do ta ndajë me të gjithë.