DASHI

Në fushën profesionale perspektivat janë shumë premtuese, madje do të keni dhe ndihmën e njerëzve me influencë në qoftë se është nevoja. Përsa i përket jetës suaj personale, do të jeni në formë të shkëlqyer për të kaluar bukur dhe për të shijuar me të dashurit tuaj ditët e fundit të vitit. Për ju që do të vendosni të kaloni natën e Vitit të Ri në shtëpi ftoni miq dhe bëni atmosferën akoma më festive.

DEMI

Në qendër të vëmendjes suaj këto ditë do të jetë jeta juaj personale dhe sentimentale. Diskutime të këndshme me të dashurin/ën do të keni, të cilat do të ndikojnë pozitivisht dhe në forcimin e marrëdhënieve tuaja. Lini mënjanë pretendimet dhe gjeni interesa të përbashkëta, në mënyrë që të kaloni sa më bukur. Organizoni një udhëtim apo një ekskursion në fund të javës, veçanërisht të premten dhe të shtunën.

BINJAKËT

Mos jepni informacione dhe hollësira lidhur me punën apo planet tuaja dhe mos hyni në bisedime të tepërta, veçanërisht në fillim të javës. Nga mesi i javës deri në fund të saj do të keni mundësinë të zgjidhni çështje që ju preokupojnë. Festat e fundit të vitit do t’i kaloni më bukur jashtë në një lokal apo një ambient miqësor të këndshëm.

GAFORRJA

Është një periudhë mjaft pozitive për ju dhe veçanërisht për jetën tuaj personale. Do të keni ftesa mjaft interesante këto ditë, nëpërmjet të cilave fati do t’ju dhurojë surpriza të bukura. Ju të interesuarit e shenjës do të takoni një person të përshtatshëm për ju, i cili do t’ju pëlqejë shumë dhe do të krijoni një marrëdhënie të bukur dhe serioze.

LUANI

Fillimi i javës nuk është shumë produktiv për gjëra praktike dhe për veprime, si në fushën financiare ashtu dhe në atë profesionale. Pjesa tjetër e javës, prej datës 27 deri në 29 dhjetor, është një periudhë mjaft pozitive për ju si në punë ashtu dhe në familje. Jeta juaj e përditshme do të rrjedh më lehtë dhe më këndshëm. Ndërsa në punë do të arrini ato që dëshironi, duke pasur ndihmën e kolegëve dhe të personave që janë më lartë se ju. Gjeni mënyrën jo vetëm të festoni, por dhe të çlodheni.

VIRGJËRESHA

Fillimi i javës nuk favorizon diskutime të rëndësishme, prandaj mirë është të mjaftoheni në atmosferën festive dhe të shijoni romantizmin e ditëve. Fundi i saj dhe veçanërisht prej datës 27 deri në 29 dhjetor do të jetë mjaft pozitiv dhe do t’ju jap mundësinë të kaloni bukur me të dashurit tuaj, duke rinovuar në këtë mënyrë dhe marrëdhëniet tuaja. Ju beqarët e shenjës flirtoni pa kufizim dhe përfitoni nga favorizimi i ditëve. Ftesa interesante do të keni për të festuar Vitin e Ri.

PESHORJA

Gjatë kësaj periudhe do të shijoni rritjen e të ardhurave financiare, të ardhura që nuk do të jenë vetëm prej punës suaj, por dhe nga burime të tjera. Disa prej jush do të merrni dhurata që do t’ju bëjnë të ndiheni mjaft bukur. Shfrytëzoni mundësinë që do të keni për të ardhur në kontakt me njerëz që do t’ju ndihmojnë në planet tuaja dhe rregulloni çështjet që ju preokupojnë në lidhje me familjen. Pranoni me kënaqësi ftesat që do t’ju bëhen për Vitin e Ri, diku aty do të gjeni shanset që do t’ju ndihmojnë në vijim.

AKREPI

Shmangni shpenzimet e tepërta, por dhe riskun veçanërisht në lojrat e fatit në fillim të javës. Mos bëni plane dhe diskutime serioze deri të martën. Prej datës 27 deri në fund të javës skena ndryshon dhe bëhet mjaft pozitive si në fushën profesionale ashtu dhe në jetën tuaj personale, duke ju ofruar momente të bukra dhe perspektiva për të ardhmen. Organizoni një udhëtim me të dashurit dhe zbukuroni akoma më shumë ditët festive të fundit të vitit.

SHIGJETARI

Jeni në periudhë zhvillimi dhe situata për ju është mjaft pozitive dhe favorizuese. Fundi i vitit është mjaft premtues për financat tuaja, të ardhura jo vetëm prej punës, por edhe bonus apo dhurata do të merrni gjatë kësaj jave. Njëkohësisht është momenti i përshtatshëm për bisedime apo plane financiare. Organizoni një udhëtim dhe kaloni bukur festat larg rutinës dhe ngarkesës së përditshme.

BRICJAPI

Gjatë kësaj jave mirë është të lini pak mënjanë punën dhe të bëheni më social. Detyrimet nuk mbarojnë kurrë dhe ju si persona me ndjenjën e përgjegjësisë të theksuar doni të keni nën kontroll situatën. Kjo periudhë favorizon kontaktet me njerëz të rëndësishëm, të cilët do t’ju hapin rrugë të reja me perspektivë, prandaj përfitoni nga momenti dhe kontaktohuni me miq të vjetër apo të rinj. Kaloni festat duke u relaksuar dhe duke plotësuar në maksimum dëshirat tuaja.

UJORI

Të jeni të kujdesshëm në shpenzimet që do të bëni në fillim të javës, por dhe në përgjithësi me financat tuaja. Përsa i përket sferës profesionale, mbani shportë të vogël ndaj propozimeve që do të keni deri të martën. Ndërsa prej datës 27 deri në 29 situata ndryshon duke ju dhënë mundësinë të vini në kontakt me njerëz potencial të cilët do të luajnë një rol pozitiv në karrierën tuaj dhe do të merrni të dhëna të tilla që do t’ju ndihmojnë në hapat tuaja të mëtejshme. Kaloni festat e fundit të vitit me miqtë tuaj.

PESHQIT

Mos tregoni besim të madh në ambjentin e punës dhe mos u nxitoni të nxirrni konkluzione në fillim të javës. Fundi i javës është mjaft premtues për ju sidomos për jetën tuaj sentimentale. Nuk përjashtohet mundësia të bëni një udhëtim gjatë të cilit mund të takoni një person që do të tregoj interes të vecantë për ju. Ju të tjerët kontakte me persona që ndodhen larg, por dhe lajme mjaft pozitive do të keni për cështje që ju preokupojnë. Fundi i vitit premton momente të bukra me miqtë dhe të dashurit tuaj.