Është një rastësi e bukur kur nga e njëjta familje dalin dy talente të së njëjtës fushë. Kjo ka ndodhur edhe në familjen Xhaka me vëllezërit, Taulant dhe Granit. Dy futbollistët shqiptarë momentalisht janë duke zhvilluar karrierën jashtë vendit, por sigurisht asnjëherë nuk e kanë harruar vendin e tyre.

Taulant Xhaka ka refuzuar disa oferta shumë të mira, vetëm për të qenë pjesë e kombëtares shqiptare. Ditën e sotme është zhvilluar ndeshja Shqipëri-Uells dhe Taulanti ka qenë luajtur në rolin e mesfushorit. Por në këtë ndeshje për shkak të angazhimeve personale, ai nuk ka pasur pranë të vëllain për ta mbështetur live. Megjithatë për të qenë më pranë tij, Graniti ka bërë një postim në ‘Instastory’ ku tregon se edhe pse larg ai mund ta mbështesë shumë mirë të vëllain.

“Duke parë vëllain tim gjithmonë dhe kudo”,- shkruan Graniti në një video ku shfaqet duke parë ndeshjen nga makina.