Bukuroshja Jane Park është fituesja më e re e llotarisë “EuroMillions” në Britaninë e Madhe. Por menjëherë më pas ajo është protagonistja e një lajmi sensacional, i cili po bën xhiron e botës.

Nga që tashmë lekët nuk i mungojnë, ajo është shprehur e gatshme të paguajë një mashkull plot 80 000 euro në vit, vetëm e vetëm që ai të jetë i dashuri i saj.

Pasi fitoi 1 milion paundë (rreth 1,3 milionë euro) në moshën 17-vjeçare, Jane Park pushtoi titujt e tabloideve në mbarë botën. Por që nga ajo kohë, Jane ka bërë shpenzime të çmendura nga këto para.

Pasi është ndarë nga i dashuri i saj i fundit, ajo ka nisur procesin e intervistimit për një të dashur të ri. Dhe për të përzgjedhurin do të ofrojë shumën prej 80 mijë eurosh në vit, vetëm e vetëm që ai mashkull të jetë i dashuri i saj dhe të qëndrojë përkrah saj në çdo moment të ditës.