Pete Davidson ka folur për herë të parë që nga ndarja e tij me Ariana Grande.

Komediani 24-vjeçar me shaka e pyeti nëse kishte "dikush që kërkonte një shok dhome?" në një koncert bamirësie në LA.

Kjo është hera e parë që Davidson ka pranuar publikisht ndarjen e tij nga këngëtarja, raporton BBC.

Por ndërsa nuk foli se çfarë ndodhi me unazën e fejesës së Arianës apo me derrin e tyre, Piggie Smalls, ai bëri shaka për të gjitha tatuazhet kushtuar këngëtares, që bëri gjatë marrëdhënies 5 mujore.

"Kam mbuluar shumë tatuazhe. Ky është argëtim. Kam ngelur në departamentin e tautuazheve. Kam frikë të bëj nënën time tatuazh sepse do të largohet,"-shtoi Pete.

Çifti u lidh për herë të parë në muajin maj dhe u fejuan vetëm pak javë më pas.

Ata filluan të jetojnë së bashku në apartamentin e këngëtares në New York dhe kaluan shumicën e verës së bashku.

Por romanca e tyre nuk zgjati shumë.

Në fillim të muajit tetor Ariana dhe Pete i dhanë fund fejesës dhe mendohet se arsyeja është gjendja emocionale e këngëtares.

Ariana u trondit pasi ish i dashuri i saj Mac Miller vdiq nga mbidoza e drogës në shtator.