Gareth Bale ka anuluar dasmën e tij me të fejuarën Emma Rhys-Jones.

Çifti duhet të martohej gjatë këtij viti në një kështjellë në Itali. Një burim pranë tyre ka zbuluar për “The Sun” se Emma ka disa probleme me të atin, që në këtë moment ka “minuar” të gjithë familjen.

Duket se ajo dhe Gareth kanë jetuar një vit me shumë ulje-ngritje. Çifti ka tre fëmijë.

Burimi tregon: “Ka kaq shumë probleme dhe shqetësime familjare sa çifti kërkon të qetësojë situatën përpara se të martohen. Janë ende shumë të dashuruar, por në fillim duhet të zgjidhin disa probleme”.

Babai i Emmës është fejuar me një vajzë që ka gjysmën e viteve të moshës së tij, pak pasi është liruar nga një burg në SHBA.

Ai ka bërë gjashtë vite burg për mashtrim ndërkombëtar dhe Emma nuk ka pranuar që babai të paraqitet në dasmën e saj në prani të të fejuarës së re.

Burimi ka konfirmuar për “The Sun”: “Ka pasur disa sherre: Emma nuk është e lumtur me zgjedhjen e babait. Nuk do të që në dasmën e saj të vijë një person që nuk e ka parë kurrë në jetë”.