07-12-2019

Feja e Shqiptarit është Shqiptaria ndaj #JO, Kryeministri i një shteti laik nuk mund të përfshijë herë Islamin e herë Krishtërimin, në propagandën e tij politike.

Suportin shpirtëror, shqiptari duhet ta gjejë në Kishë e në Xhami, ndërkohë suportin material tek shtet-kombi i tij.

Nuk ka punë politika në fe, ashtu siç nuk ka punë feja në qeverisje, kur të dyja drejtohen nga vlerat e njeriut, humanizmi e universalizmi. Vetëm kur politika ose feja dalin nga binarët e këtyre vlerave, vetëm atëherë këto mund të dalin nga shtrati i tyre normal.

Ndaj feja e Shqiptarit është Shqiptaria, ashtu siç duhet t'i japim Cezarit atë që është e Cezarit. Këto maksima janë jetike për të ruajtur ekuilibrin delikat të bashkëjetesës fetare në Shqipëri.

Individualisht çdo shqiptar gëzon lirinë për të besuar sipas fesë së tij, dhe kjo mundësohet vetëm pasi kolektivisht çdo shqiptari i kërkohet të besojë vetëm në Shqiptari. Ky është gur-themeli i modelit unik të bashkëjetesës fetare shqiptare. Në çështjet e besimit fetar, besimi i përbëshkët nuk i imponohet kurrë besimit individual, ashtu siç besimi individual nuk i imponohet kurrë besimit të përbashkët.

Neni 10 i Kushtetutës sanksionon pikërisht këtë gjë, ‘Shqipëria nuk ka një fe zyrtare’, pra shteti nuk përzihet në çështjet e besimit.

Kur i pari i Shqiptarëve, Kryeministri i Republikës, përfshin besimet fetare në deklarimet e tij, ai indirekt bëhët zëvëndës i tyre. Por Kryeministri nuk është as Hoxhë e as Prift. Dhe postimet e tij të fundit me citate fetare e çojnë diskursin publik post-tërmet në një territor shumë delikat.

Ai prish balancën delikate të bashkëjetesës sonë fetare duke fshirë kufinjtë mes Kryeministrit që menaxhon paratë tona, dhe Hoxhës/Priftit që menaxhon besimin tonë individual.

Thelbi i çështjes:

A duhet ta gjykojmë Kryeministrin për mënyrën sesi po menaxhon krizën post-tërmet, sipas rregullave të shkruara në ligjet shqiptare, apo sipas atyre të shkruara në librat e shenjtë?

Me fjalë të tjera, nëse Kryeministri apo bashkëpunetoret e tij Dako & Co kanë sadopak përgjegjësi për humbjen e jetëve dhe dëmet e shumta gjatë termetit të 26 nëntorit, nëpërmjet abuzimeve me lejet e ndërtimit kur kanë qënë Kryetarë Bashkie, a duhet të kërkojmë drejtësi tokësore apo drejtësi hyjnore?

Nëse feja e Shqiptarit është Shqiptaria, atëherë ne duhet të ndjekim kushtetutën e ligjet e shkruara nga sovrani shqiptar dhe drejtësia duhet të bëhet sot, para gjykatave e sipas ligjeve që përfaqësuesit e kombit shqiptar kanë votuar në parlamentin Shqiptar.

Nëse e shohim Ramën si mesi, dhe pranojmë që ai t’i adresohet kombit shqiptar mbi bazën e teksteve të shenjta, ateherë duhet të pranojmë që drejtësia për të do të bëhet në botën tjetër.

Fundja, le të jemi konkret, cili është qëllimi i vërtetë që ai zgjedh të postojë citate fetare në profilin e tij si Kryeministër i Republikës? Ai duket sikur kërkon të ngushëllojë e t’i gjëndet pranë viktimave të tërmetit duke përhapur fjalën e shenjtë, apo jo? A është vallë kjo detyra e tij, a është kjo çfarë presim nga Kryeministri? A presin Shqiptarët vallë një citat nga Bibla/Kurani, apo një shpjegim përse ju morrën në mënyrë arbitrare paratë e tyre nga pagat e fundvitit, dhe jo nga koncesionet qindra milion dollarëshe?

Por dhe nëse ja pranojmë këtë rol ‘fetar’ të tij, pra indirekt rolin e një ‘mesie’, i bie të pranojmë që ai është përfaqësues i Zotit, dhe jo i shqiptarëve apo jo?

Pavarësisht sa më sipër, po, shqiptarët duhet të besojnë më shumë në Zot, më shumë në komb e më shumë në familje. Shqiptaria është e madhe se ka Kosovë e ka Çamëri, se ka Allah e ka Yahweh, se ka veri e ka jug, se ka Tosk e ka Gegë, se ka male e ka fusha, se ka dhe perëndim por ka dhe lindje, ka krishtërim ashtu siç ka dhe islam.

Kjo është arsyeja pse feja e Shqiptarit është shqiptaria. Kjo është arsyeja përse ne të gjithë i këndojmë vargjeve ‘Se Zoti vetë e tha me gojë / Që kombet shuhen përmbi dhe, / Po Shqipëria do të rrojë / Për të, për të luftojmë ne!’. Sa me vlerë këto vargje sot...

Dhe është pikërisht prishja e këtij ekulibri delikat, por të jashtëzakonshëm, që luftoi për 50 vite Komunizmi anti-shqiptar. Në vend të Xhamisë e të Kishës, shqiptarëve ju kërkua me dhunë, me gjak e shkatërrim, të shkonin të faleshin ekskluzivisht para shtetit-parti, para diktatit të gjithësisë ku dhe ekonominë dhe politikën, dhe pronën private ashtu dhe besimin fetar individual, gjithçka duhej të kalonte vetëm nga Ai, nga Diktatori. Vetëm Ai mund të fliste në emër të popullit, por dhe të Zotit. Ai ishte dhe drejtësia tokësore, dhe ajo hyjnore, Ai ishte dhe parlamenti, dhe ekzekutivi dhe gjyqësori, dhe shtypi proletar dhe arti socialist, Ai ishte dhe Kisha, dhe Xhamia, Ai ishte gjithçka!

Rama duket se po kërkon të njëjtën gjë, por në një formë tjetër.

Mbyllja e portaleve në rrjete sociale, arrestimi i Xhulias, kapja e pushtetit vendor, legjislativ e gjyqësor, presioni ndaj fjalës së lirë, dhe së fundmi, shtrirja e komunikimit të tij publik dhe dimensionin fetar, gjithçka ulëret për ‘Rilindjen’ e një mesie, të një mesie anti-shqiptare...

PS: Në foto, Ferizaj, Kosovë, Kisha e Xhamia në të njëjtin oborr.

 

07-12-2019

Nënkryetari i LSI-së, Petrit Vasili, thotë se zëri i popullit është zëri i Zotit, ndaj thotë ai, Referendumin nuk ka ‘bir nëne’ që e ndal dot, sepse referendumi është zëri i popullit mbarë.

 ‘Vox Populi Vox Dei -zëri i popullit është zëri i Zotit, thoshin Romaket e lashte.

Referendumin nuk ka bir nene qe e ndal dot sepse referendumi është zëri i popullit mbare.

Rrëzat e mykyra te partive dhe avokatet e tyre te lodhur nuk mund te pengojnë dot kurrë vullnetin e popullit qe te shprehet me referendum.

Vetëm Referendumi ndan një here e mire ata qe respektojnë vullnetin e popullit nga ata qe janë armiqtë e tij’, shprehet nënkryetari i LSI-së, Petrit Vasili përmes rrjeteve sociale.

07-12-2019

Zëdhënësi i Presidencës Tedi Blushi me anë të një postimi në “Facebook” ka reaguar në lidhje me atë që kryeministri Rama e ka quajtur “Paketë Speciale anti-KÇK”.

Presidenca thekson se kryeministri ka aleat strategjik vetëm Xibrakën dhe Kolumbinë.

"KM ka vetëm një partner strategjik: XIBRAKËN dhe Kolumbinë!", shkruan Blushi në postimin e tij të rradhës.

Më herët, përmes një postimi në Twitter, kryeministri Rama do të shprehej se, nesër qeveria që ai drjejton do të miratojë paketën anti-KÇK. Sipas kryeministrit, kjo nismë do të luftojës foletë e krimit të organizuar, korrupsionit, terrorizmit e mafias.

Po sipas Ramës, kjo paketë ligjore është kryer falë mbështetjes së aleatëve ndërkombëtarë, SHBA dhe BE.

07-12-2019

Nga Petrit Vasili:

Solidariteti diplomatik i gishtit te ambasadorit dhe i kapjes se shtetit si veprim antishteteror!!

Ne Shqiperi nje tufe horrash, kane vjedhur e kapur qeverisjen e vendit dhe duan ta shnderrojne Kushteten ne lecke kembesh per te fshire kepucet e krimineleve dhe trafikanteve.

Diplomate te çartur u ngrene gishtin protestuesve te cileve horrat e pushtetit u vjedhin pronen,i arrestojne dhe i dhunojne.

Ngrene gishtin keta diplomate dhe ca te tjere guxojne tu bejne edhe avokatine atyre.

Keta avoketerit diplomatike te gishtit bejne edhe avokatin e shkeljes se Kushtetutes dhe kapjes se Gjykates Kushtetuese nga rilindja

Po a skuqen ndonjehere keta, edhe te paret edhe te dytet?

A guxon dot ndonje ambasador shqiptar tu ngrere gishtin protestuesve ne vendet e tyre?

A guxon ndonje ambasador shqiptar te diskutoje vendimet e Presidenteve te tyre?

A guxon ndonje ambasador shqiptar te jape mend e zgjidhje per Kushtetuten e vendeve te tyre?

Pergjigja eshte shume e qarte dhe e thjeshte:Asnje ambasador shqiptar as e ben dot,as e ka bere dot dhe as i lejohet qe ta beje kete ne asnje kryeqytetet te Europes dhe askund ne bote.

Po njesoj dhe pa asnje gram ndryshim jane edhe diplomatet e huaj ketu ne Shqiperi.

S'kane asgje me shume se ambasadoret tane ne vendet e tyre.

Ndaj te bejne detyren e tyre sepse jane ketu per te garantuar interesat e vendeve te tyre, te cilat i kane te parat dhe te vetmet dhe jo te Shqiperise.

Ndaj te flasin per ato, qe u lejon detyra dhe mandati i tyre dhe te lene menjane solidaritetin e gishtit te ambasadorit dhe te kapjes se shtetit.

Ka mjaft diplomate burra dhe gra te nderuar, qe e kryejne sic duhet dhe me integritet detyren e tyre ye perfaqesimit.

Por ka edhe disa diplomate te tjere, te cilet shqiptaret po i shohin teksa shfaqen si solidare te gishtit.

Solidariteti diplomatik i gishtit dhe avokatia diplomatike e kapjes se shtetit e ka lene Shqiperine jashte Europes,qe na shton kushte vazhdimisht,e ka bere Shqiperine te jete e treta ne bote per korrupsion dhe e ka bere baze te krimit te organizuar per grupet kriminale ne SHBA,Europe,Amerike Latine dhe Lindjen e Mesme sic deklaron Departamenti Amerikan i Shtetit.

Per keto duhet te flasin keta, sepse krimi dhe trafikantet, qe ushqen rilindja cenojne edhe interesin e vendeve te tyre.

Por keta nga zelli i tepruar per te bere avokatine e rilindjes "cuditerisht" po harrojne edhe vendet e tyre!?

 

07-12-2019

Presidenti Ilir Meta diteën e sotme ka vendosur të vizitojë qytetin e Pogradecit. Këtë e bën të ditur vetë ai me anë të një postimi në Facebook ku shkruan se Pogradeci i kishte munguar shumë.

Në krah, duket liqeni teksa vetë Meta shfaqet pranë disa pemëve, gjethet e të cilave po bien.

Postimi I plotë

Sa më kishte munguar Pogradeci! T'ia kaloni mirë dhe qetë të gjithë me familjet tuaja!

07-12-2019

Nënkryetari i LSI-së, Petrit Vasili, duke komentuar raportin e fundit të Komisionit të Venecias që rrëzon Ramën dhe mazhorancën në lidhje me pretendimet e tyre mbi të drejtën emërimeve të anëtarëve të Gjykatës Kushtetuese, pyet jo pa ironi në një postim në facebook se këta ndërkombëtarët lexojnë ndonjë dokument vetë apo vetëm ato që ju çon Rama?

‘Në ndihmë të ndërkombëtarëve "të paditur"!?

Këta ndërkombëtarët a lexojne ndonjë dokument vetë apo vetëm ato që ju çon Edi Rama?

Meqë kolegu Eduard Halimi ka pasur mirësinë ta bëjë publik opinionin e Komisionit të Venecias për Gjykatën Kushtetuese, po e ndaj sërish me ju se mbase e shohin edhe këta ndërkombëtarët dhe të paktën nuk e thonë prap se u bënë gazi i botës.

Lexoni o miq ndërkombëtarë se nuk është turp.

Turp është të japësh këshilla dhe alibi antikushtetuese alla state capture!!’

 

 

07-12-2019

Ish-deputeti demokrat Tritan Shehu ka reaguar pas rezolutës me 10 pika te miratuar sot nga Kongresi i Partisë Popullore Europiane për Shqipërinë, ndërsa thekson se, mesazhi është e ardhmja europiane për Rajonin.

Përmes një postimi në Facebook, teksa shpërndan edhe foto nga takimi me ish kryeministrin italian Silvio Berlusconi dhe kryeministrin grek Kyriakos Mitsotakis në Kongresin e Partisë Popullore Europiane në Zagreb, ku ishte i pranishëm edhe kreu i PD-së, Lulzim Basha, Shehu thotë se marrëveshjet strategjike në bashkëpunimin rajonal, duhet të jenë në fokus të objektivit të vendit.

Postimi i plotë i Tritan Shehut:

Lidhjet strategjike me Italine e Greqine na afrojne me BE, jo..!

Mesazh i kongresit te PPE eshte e ardhmja europiane per Rajonin tone, lidhjet tona gjithmone e me te ngushta me BE e vendet antare.

Nderkaq karrikatura “Shengenesh” jashte BE, te ofruara si zgjidhje ”strategjike” per ne e per Rajonin me vende qe nuk e konsiderojne jetike Brukselin, NATO e SHBA-n, te frymezuara nga “Jugosllavia e Re” nen dirigjimin e Vucic, gje per te cilen tentojne te lene ne hije edhe Kosoven, pavaresisht se prezantohen nga shqipfoles jane vecse hedhurina.

Mareveshjet strategjike ne bashkepunimin tone rajonal duhet te jene ne funksion te objektivit tone kryesor strategjik, integrimit europian te palekundur si Shqiperi, shqiptare e Rajon.

Nje rikonfirmim i sotem ky i PPE per Rajonin, qe imponon forcimin e metejshem te ketyre maredhenive strategjike me dy vendet tona fqinje antare te BE e te NATO, Italine e Greqine, mareveshje te tilla me ata, nderthurje te ngushta midis institucioneve, te Parlamenteve, Qeverive etj, ne vend qe te ndjekim “degdisjet” Vucic-Rama per ne drejtime te ”pa njohura” lindore.

Ndjeva nje kenaqesi te vecante te takonim e shkembenim mendime ne Zagreb me dy liderat kryesore te qendrave te djathta pjese e PPE ne keto vende, Berlusconin e Mitsotakis.

07-12-2019

Nga Petrit Vasili

Rilindja ne funksion te kapjes se ç’frenuar te Drejtësisë e ka përbuzur, e ka refuzuar dhe e ka hedhur poshtë Komisionin e Venecias.

Zgjedhjen e Prokurorit te Përgjithshëm, u rrëmbye nga Rilindja me 69 vota nga 84, qe kërkonte Kushtetuta dhe qe rekomandonte Komisioni i Venecias.

Në atë, kur maxhoranca ne vitin 2016 i kishte 84 vota në Parlament, Komisioni i Venecias rekomandoi si rregull kalimtar zgjedhjen e Prokurorit të Përgjithshëm:

"Me një shumicë më të madhe se 3/5 at’ që, më pas, do të ishte normë për zgjedhjen e Kryeprokurorit".

Pra Komisioni i Venecias kërkonte qe te përdorej fillimisht 2/3 për ta zgjedhur për te eliminuar kapjen dhe me pas 3/5 qe do te ishte norme e padiskutueshme dhe ne vend te kësaj prokurori u grabit me 69 vota.

Konkluzioni i Raportit Interim të Komisionit të Venecias në fundin e vitit 2015 ngre shqetësimin e kapjes se Vetingut nga Rilindja dhe thotë:

 “Komisioni i Venecias evidenton se zgjidhje të tillë radikale (si procesi i rivlerësimit) janë të paarsyeshme në kushte normale, pasi krijojnë tensione të mëdha brenda gjyqësorit, destabilizojnë punën e gjyqtarëve, shton mosbesimin e publikut në gjyqësor, shmang vëmendjen e gjyqtarëve nga detyrat e tyre normale, dhe, si çdo masë të jashtëzakonshme, krijon rrezikun e kapjes së gjyqësorit nga ana e forcës politike që kontrollon procesin.”

Realiteti tregon saktësisht këtë qe Venecia parashikoi si rrezik madhor te kapjes se Vetingut nga Rilindja dhe qe Raporti i OSBE-ODIHR për votimet e 30 qershorit e vulosi kur thotë:

"Gjyqtarët e Kolegjit Zgjedhor gëzojnë imunitet dhe nuk mund të jenë subjekt i procedurave disiplinore gjatë gjithë afatit për të cilin Kolegji është i konstituuar, ata ishin subjekte të procesit të vettingut, i cili mund të prek sigurinë e mandatit të tyre dhe në këtë mënyrë të ndikojë në pavarësinë e tyre".

Pra çdo gjë e kërkuar parimisht nga Komisioni i Venecias është hedhur poshtë nga Rilindja.

Komisioni i Venecias u shpreh qe Presidenti i Republikës nuk kishte kryer asnjë shkelje te Kushtetutës kur vendosi shtyrjen e votimeve rilindase te 30 qershorit.

Rilindja e hodhi poshtë serish Komisionin e Venecias dhe vazhdon te mbaje një Komision Hetimor rilindas për shkarkimin e presidentit.

Ndaj është e qarte qe Rilindja e hedh poshtë dhe e refuzon Venecian sepse babëzia per te kapur drejtësinë dhe dhunimi i Kushtetutës dhe ligjit ja imponon këtë.

Shkurt Rilindja dhe Komisioni i Venecias përjashtojnë kategorikisht njëra tjetrën.

07-12-2019

Rama e Shahini dhe vetvrasja e Trumcakut

Nga Luçiano Boçi.

Dhe trumcaku, sikur të rijtë, vuante nga melankolia. U lind në nji shoqni me të vërtetë absurde. Në vend të drejtësisë bijshin qimet e derrit të padrejtësive e në vend të nji drejtimi politik logjik, kishin mbi brenat e shtazës së krimit me pamje parahistorike të rilindun. Dhe në kët shtet-i cili nuk mund të quhet aspak shtet-kush mos të bahet melankolik?

Dihet se nji të riu, sikur trumcakut, s'i duhet shumë për nji jetë studentore. Por pushteti, i cili nuk asht qeverisje, por sundim, s'i ep as aq, madje ia merr dhe ato pak kacidhe qi pati n'xhep, me tarifa skandaloze dhe kosto jetese të papërballueme, pa i dhanë kurrë nji shpresë për t'ardhmen.

Mos pyetni si e qysh u gjend trumcaku n'kët vend, dhe si e qysh u gjendën t'rijtë n'kët derexhe kozmike e shoqnia n'kët situatë tragjike. Hipoteza dhe andrra. Para gjashtë vitesh çdo gja u mbyll me nji fjalë goje, “… të vidhen votat!

Dhe vjedhja u ba!” — A e shifni, vetëm nji fjalë magjike! Timon-Tenxhere! Sa bukur!?

Dhe Rama e Shahini thanë: t'i binden trumcaku dhe t'rijtë Paktit fals si akt mashtrimi, në nji vend ku n'vend të bibliotekave e kërkimit shkencuer bijnë qimet e derrit t'korrupsionit e harbutnisë e në vend t'përkrahjes e mshtetjes-brinat e shtazës parahistorike injorante qi tallet dhe napërkamb t'rijtë nën petkun e kryederrit.

Njiherë trumcaku me t'rijtë qëndruen mbi nji brenë.

U mërzitën tue shikue prej aty qimet e derrit të mijëra padrejtsive, u mërzitën tue u vërvitun prej përbuzjes, shpërfilljes shoqnore, u mërzitën prej skamjes e pamundjes ekonomike për me përballue studimet e jetën, u mërzitën prej kushteve skandaloze mbi brenë e përballjes.

Nga mërzitnia dhe idhnimi mbyllën sytë. Ranë n'pikllim melankolik. Njeriu me temperament melankolik asht inteligjent. E inteligjenca në kuptim ma të hapët të fjalës, pakkuj i solli qetsi dhe t'mirë.

N'shoqninë tonë, për me ba përpara duhet me kenë tregtar prostitucioni, shpërndarës kokaine, mbjellës hashashi, vrasës me e pa pagesë, koncesionarist, ose rilindas pasionant.

Dhe trumcaku, bashkë me nji prej t'rijve, n'majë t'brenës e n'kulm t'melankolis, vendosi me mbyt vedin. Plot ironi filozofike shikoi rreth e përqark vedit e vendimi i patundun mirëfilli pasqyrohej n'sytë e tij të dëshpruem.

Cicrroi nji herë, cicrroi dy herë; cicrroi tri herë. Mandej një cërrrr e gjatë e plot mallëngjim ishte porosia e tij e fundme. Testamenti i dhimbave të tij.

Testamenti i tij ishte nji shej revolte.

Revolta ndaj padrejtësive ishte amaneti tij.

Dhe, pa u dhanë fare krahëve, n'lirinë e fluturimit-liri të gjetun, kërcej prej brenës… ra mbi një qime t'derrit, t'gjatë e t'mprehtë si thika, e u ngul mbi të.

Trumcaku i ngulun mbi nji qime t'derrit. Me krahët e puplat e tij luente era dhe e sjellte rreth qimes, si sillet dhe gjeli metalik në majë t'ogjaqeve tona.

Atbotë e këtbotë frynte veri.

Çka janë kto kapërcime logjike e paralelizma alogjike! Ka me brit ndokush.

Po, lexues i dashtun e jo i cekët. Po! A pak po kemi kapërcime logjike, morale e dogmatike, po deshe dhe kushtetuese, n'botën tonë reale? Pse po zemërohesh e po don me m'gjykue për disa kapërcime logjike e paralelizma askuj damsjellje?

Ato vetëm përcjellin gjandjen e mjerueme t'rinisë sot e vikojn shërimin nëpërmjet revoltës!

07-12-2019

Ish-deputetja e LSI-së, Erisa Xhixho, në një shënim në profilin e saj në rrjetet sociale, duke komentuar betimin e kandidates për anëtare të Gjykatës Kushtetuese Arta Vorpsit përpara një notere, jo pa ironi e cilëson këtë aks si noterizimin sot të degradimit dhe rënies së shtetit të së drejtës

‘Dhe kur kjo bëhet nga juristë që pretendojnë të jenë anëtarë të Gjykatës Kushtetuese kjo është më shumë se çmenduri.

Kjo maxhorancë goditi dhe shkatërroj  përfundimisht reformën në drejtësi dhe rrënoj autoritetin ,besimin e institucionit më të rëndësishëm të vendit që mbron kushtetutën dhe të drejtat e njeriut siç është Gjykata Kushtetuese.

Kushtetuta e Shqiperisë parashikon këtë proçedurë të marrjes së detyrës dhe komentet e çdo proçedurë tjetër është thjeshtë antikushtetuese dhe rrëshkitje drejt diktaturës së një individi kundër çdo vlere demokratike.

Neni 129

Gjyqtari i Gjykatës Kushtetuese fillon detyrën pasi bën betimin para Presidentit të Republikës.

Rezfuzimi i ketij modeli diktatorial antikombëtar është detyrë e çdo qytetari të lirë që beson ende te një shqipëri europiane.’-shkruan Erisa Xhixho.

 

07-12-2019

Nga Ylli Manjani - 

Historia nuk gjykon.

“Historia do më gjykojë”- thotë udhëheqësi, duke iu përgjigjur Kosovës që më konsensus të plotë nuk e ndoqi në aventurën e Tij pro Jugosllavi.

Në fakt, pa dashje, Edi Rama tha një të vërtetë të madhe të sjelljes së Tij: dëshirën për të mbetur në histori.

Por, problemi është se historia e vërtetë nuk gjykon. Ajo thjesht regjistron në memorie ngjarje të caktuara, bashkë me to edhe persona. Këto të fundit nuk i gjykon historia, por koha dhe vendi ku jetojnë.

Koha dhe vendi ku Edi Rama jeton, ka gjithë të drejtën ta gjykojë si bashkëpunues me Serbinë, më shumë sesa me Kosovën. Janë fakte të panumërta që e dëshmojnë dukshëm dashurinë e Edi Ramës për Serbinë.

Personalisht nuk e gjykoj si pro Serb. Por qartësisht konstatoj se Shqipëria dhe Kosova nuk ja panë hajrin kësaj “dashurie” të shpallur gjatë gjithë viteve të Tij si Kryeministër.

Nëse Edi Rama kërkon vend në histori, pa dyshim që e ka, por jo tek historia e suksesit të shqiptarëve drejt perëndimit. Të paktën jo si paraardhësi i Ti. Figurë goxha e kritikueshme ishte dhe Ai, por na futi në schengenin e vërtetë, ku të paktën lëvizim lirisht. Pa përmendur firmën në anëtarësimin e vendit që qeverisi në Këshillin e Europës dhe NATO.

Edi Rama ka gjithashtu vend në histori. Do të mbahet mend mirë si Kryeministri që renditi e vendin e tij, tek rekordet e trafikut ndërkombëtar të drogës. Qendër distribucioni dhe origjinë e trafikut të çdo lloj drogë. Sot Ai është kryeministri që njihet gjerësisht në Europë e më gjerë si drejtues vendit që “mikpret” kontenierë droge dhe bashkë me hashashin i eksporton gjerësisht në Europë.

Kështu që, në histori do jetë, për këto e ngjarje të tjera si këto. Aty do jetë, pa asnjë merak! Do mbahet mend si politikani që rilindi shtetin më jashtë kushtetutë që kemi patur ndonjëherë. Shtetin që rrëmben prona e dhunon liri e të drejta në mënyrë masive. Shteti që futi në borxh shtetasit e vet në disa breza që vijnë. Shtetin që dënon protestuesin, por jo dhunuesin e lirive e të drejtave.

Pa dyshim që do mbahet mend!

Më vjen mirë që ka filluar ta shohë veten në kohën e shkuar. Qartësisht nuk është më e ardhmja e këtij vendi. As e mini-schengenit e sajesa të tilla idiote, dhe të padobishme për Shqiptarët.

Edi Rama është gjykuar tashmë. Vendimi do zbardhet në zgjedhjet më të afërta.

Edhe Ai vetë e di….

07-12-2019

Nga Artan Fuga -

Turpi i kësaj kohe është që burokracia dhe ata që ne u paguajmë rroga me taksat tona, drejtoria e Teatrit, Ministria e Kulturës dhe nuk e di kush dreqin tjetër, e kanë braktisur të mirën e përbashkët, atë që ligja i detyron t'a mbrojnë, ndërtesën e Teatrit Kombëtar!

Nderi dhe bukuria e kësaj kohe është se ndërtesën e Teatrit Kombëtar e kanë marrë në mbrojtje, e ruajnë dhe e përdorin qytetarët!

Cfarë do të bëjnë tjetër ndërkohë që nëpunësia nuk bën detyrën minimale të saj!

Teatri është prona jonë e të gjithëve!

Ky është përfundimi!

Duke kaluar andej dje për të përshëndetur miq të mi atje, thashë me vete : a është edhe imi?

M'u atje në mes të skenës do të dal në foto si zotëri mes miliona zotërinjsh e zonjash të tjerë!

Teatri duhet të jetë një e mirë ku aksionerë të jemi ne qytetarët!

Ata e kanë braktisur! Ne mund t'a marrim në pronësi si aksionerë!

Unë e përbuz shoqërinë piramidale, nuk e njoh, nuk e pranoj, e injoroj, më vjen për të vjellë prej saj!

Qytetarët në skenë!

Image

Denonco