Goli ndaj Francës, Lamine Yamal theu rekordin e legjendarit Pele

Goli ndaj Francës, Lamine Yamal theu rekordin e legjendarit Pele

10:06, 10/07/2024
A+ Aa A-

Lamine Yamal ka qenë vendimtar në fitoren e Spanjës 2-1 ndaj Francës për të kaluar në finalen e madhe të Kampionatit Evropian ‘Euro 2024’.

Sulmuesi spanjoll realizoi një gol të jashtëzakonshëm, vetëm tre ditë para se të mbushë 17 vjeç.

Me golin e shënuar ndaj Francës, Yamal ka thyer një tjetër rekord, duke u bërë futbollisti më i ri në histori të një Kampionati Evropian apo Botëror që realizon gol.

Yamal shënoi gol me 16 vjeç e 362 ditë, duke i thyer rekordin e mbajtur nga legjenda braziliane Pele.

Ish-sulmuesi i Brazilit mbante këtë rekord prej shumë dekadave kur kishte shënuar me 17 vjeç e 239 ditë.

Përveç rekordit të lartëpërmendur, Yamal theu një tjetër rekord, duke u bërë futbollisti më i ri në histori që luan në një gjysmëfinale.

Tani Yamal do të tentoj të realizojë edhe në finale, kur të shtunën do të mbushë 17 vjeç dhe të dielën në Berlin do të zbresë në fushë. 

© SYRI.net

Lexo edhe:

Komentet

Shto koment

Denonco