Nga kolapsi në fushë në vitin 2020, te goli ndaj Sllovenisë në Euro 2024, UEFA vlerëson Eriksen

Nga kolapsi në fushë në vitin 2020, te goli ndaj Sllovenisë në Euro 2024, UEFA vlerëson Eriksen

22:11, 16/06/2024
A+ Aa A-

Tre vjet pas kolapsit në fushë në ndeshjen mes Danimarkës dhe Finlandës në Euro 2020, Christian Eriksen shkruan përrallën e tij. Arresti kardiak që mbajti në ankth gjithë botën e futbollit ka qenë prej kohësh vetëm një kujtim i keq dhe tashmë kampioni danez, në jetën e tij të dytë futbollistike, ka mbyllur përfundimisht rrethin me atë të kaluar të dhimbshme, duke shënuar golin në minutën e 17-të që zhbllokoi ndeshjen kundër Sllovenisë në Euro 2024.

Image

Ishte 12 qershor 2020, minuta e 42-të e derbit skandinav në Kopenhagë kundër Finlandës: Eriksen u rrëzua befas në tokë, i vetëm, pa lëvizur. Ishte një moment dramatik. Një skenë tronditëse që u merr frymën lojtarëve, i lë të përlotur spektatorët në tribuna dhe komentuesit nga e gjithë bota janë të tronditur.

Mjeku bën masazh kardiak, operacioni zgjatet me kalimin e kohës pa rezultat, në fund përdoret defibrilatori. Lojtarët danezë në lot mbrojnë shokun e tyre të skuadrës. Më pas nxitimi për në spitalin e kryeqytetit danez, ku lojtari i atëhershëm i Interit iu nënshtrua trajtimit fillestar për të stabilizuar gjendjen e tij dhe nga ku erdhën lajmet më ngushëlluese.

Eriksen është qetësuar dhe gjendja e tij përmirësohet. Pak ditë pas operacionit në zemër, Eriksenit iu implantua një defibrilator, i cili mundëson monitorimin e çdo rrahjeje të zemrës.

 

“Kjo pajisje është e nevojshme pas një ataku në zemër të shkaktuar nga aritmia”, thuhet në shënimin zyrtar. Karriera e tij tek Interi përfundon aty, sepse në Itali nuk lejohet të luajë me defibrilator dhe pas një rehabilitimi të gjatë më 31 janar 2022 u transferua te Brentfordi, ku përfundoi sezonin para se të kalonte te klubi i tij aktual, Manchester United.

Rrethi i gjatë u mbyll këtë të diel, në Shtutgart, në minutën e 17-të, pas 1100 ditësh. Festa nuk është vetëm e tij, por e të gjithë atyre që e duan këtë sport.

© SYRI.net

Lexo edhe:

Komentet

Shto koment

Denonco