Lajmi i fundit

Berisha flet për median rumune: Gjenerali Koldea është lidhja e vërtetë e Edi Ramës me kartelin Sinaloa

FIFA kundërshton kërkesën e Zelensky për të ndarë mesazhin e paqes në finalen e Kupës së Botës

FIFA kundërshton kërkesën e Zelensky për të ndarë mesazhin e paqes në finalen e Kupës së Botës

12:42, 16/12/2022
A+ Aa A-

Një kërkesë e presidentit ukrainas Volodymyr Zelensky për të ndarë një mesazh për paqen në botë përpara fillimit të finales së Kupës së Botës të dielën është hedhur poshtë nga FIFA , tha një burim për CNN.

Burimi tha se zyra e Zelenskyt kërkoi të shfaqet një video tifozëve në stadiumin e Katarit, përpara ndeshjes dhe u befasua nga përgjigjja negative. 

Është e paqartë nëse mesazhi i Zelenskit do të transmetohej drejtpërdrejt apo do të regjistrohej.

“Ne menduam se FIFA donte të përdorte platformën e saj për të mirën më të madhe”, tha burimi.

Megjithatë, bisedimet midis Ukrainës dhe organit drejtues të sportit janë ende duke u zhvilluar, shtoi burimi.

Kievi është përpjekur vazhdimisht të përdorë ngjarjet kryesore botërore, pavarësisht nga tema e tyre, për të mbajtur në qendër të vëmendjes globale luftën në Ukrainë.

Zelensky është shfaqur me video në çdo gjë, nga samiti i Grupit të 20 Kombeve deri te Grammy dhe Festivali i Filmit në Kanë.

Ai gjithashtu ka bërë intervista dhe biseda me një sërë gazetarësh dhe artistësh të famshëm, duke përfshirë Sean Penn dhe David Letterman.

 

 

 

© SYRI.net

Lexo edhe:

Komentet

Shto koment

Denonco