Raundi i 2-të në fazën e grupeve të Kampionatit Evropian të Futbollit vazhdon të shtunën me ndeshjen në Grupin E midis Spanjës dhe Polonisë, dhe ndeshjet në Grupin F midis Hungarisë dhe Francës, e Portugalisë dhe Gjermanisë.

Grupi E

21:00 Spanjë - Poloni  (La Cartuja Stadium, Sevilje)

Pas barazimit zhgënjyes në raundin e parë kundër Suedisë (0: 0), skuadra spanjolle është nën presion dhe ka si detyrim fitoren në ndeshjen kundër Polonisë.

Aktualisht ka një polemikë në mediat spanjolle nëse Alvaro Morata duhet ta nisë si titullarë ndeshjen apo jo pas rasteve të humbura kundër Suedisë që i kushtoi Spanjës, dhe nën presionin më të madh është trajneri Luis Enrique i cili doli në konferencë dhe mbrojti lojtarët.

Nga ana tjetër, polakët u mposhtën papritur nga Sllovakia 2: 1 në ndeshjen hapëse, dhe kanë detyrën e vështirë për të luajtur kundër “La Roja” të favorizuar. Grzegorz Krychowiak është ndëshkuar dhe tani duhet të ketë kujdes që të mos marrë kartonin e dytë të verdhë.

Formacionet e mundshme:

Spanjë: Simon; Azpilicueta, Laporte, Pau Torres, Alba: Llorente, Busquets / Rodri, Pedri; Gerard Moreno, Morata, Olmo

Polonia : Szczesny; Bereszynski, Glik, Bednarek; Jozëiak, Moder, Linetty, Rybus; Klich, Zielinski; Leëandoëski

Tabela: Grupi E

Grupi F

15:00 Hungari - Francë (Puskas Arena, Budapest)

Kampionët e botës, francezët, nisën turneun me një fitore 1-0 kundër Gjermanisë në Mynih, e cila mund të ishte edhe më bindëse, dhe me një triumf të mundshëm ndaj Hungarisë, ata do të siguronin kalimin në 1/16.

Hungaria qëndroi e fortë deri në fund në ndeshjen kundër kampionëve aktual të Portugalisë në Budapest, por ata pësuan tre gola në vetëm 6 minuta, gjë që sigurisht i tronditi shumë.

Çdo gjë përveç një fitore e franceze do të ishte befasi e madhe, por hungarezët kanë avantazhin e fushës dhe nuk do të dorëzohen lehtë.

Formacionet e mundshme:

Hungari: Gulacsi; Botka, Orban, At. Szalai; Nagy; Lovrencsics, Kleinheisler, Schafer, Fiola; Ad Szalai, Sallai.

Francë: Lloris; Pavard, Varane, Kimpembe, Hernández; Pogba, Kante, Rabiot, Griezmann; Benzema, Mbappe.

18:00 Portugalia - Gjermania (Arena e Futbollit, Mynih)

Tre golat në fund, përfshirë dy nga Cristiano Ronaldo i pandalshëm, i siguruan Portugalisë fitoren 3-0 kundër Hungarisë, dhe tashmë luzitanët kanë një shans për të mposhtur gjermanët dhe për të siguruar kualifikimin më tej.

Sidoqoftë, gjermanët, pas disfatës 1-0 ndaj francezëve, nuk kanë luksin të gabojnë pasi një humbje e mundshme do të thoshte pothuajse me siguri eliminim nga kompeticioni madhor.

Nga ana tjetër, Portugalia hyn në këtë ndeshje plot vetëbesim pasi fitoi në ndeshjen hapëse. Stili gjerman i lojës zakonisht shkaktonte probleme për portugezët, por 'panzerat' janë nën presion serioz dhe kampionët e Evropës kanë një shans për t'i dhënë gjermanëve një goditje të fundit para tifozëve të tyre.

Formacionet e mundshme:

Portugalia: Rui Patricio; Nelson Semedo, Ruben Dias, Pepe, Guerreiro; Danilo, Ëilliam Carvalho; Diogo Jota, Bruno Fernandes, Bernardo Silva; Ronaldo

Gjermani: Neuer; Ginter, Hummels, Rudiger; Kimmich, Gundogan, Kroos, Gosens; Havertz, Muller; Gnabry.

Tabela: Grupi F