Federata Futbollit e Danimarkës përmes një komunikate ka treguar të rejat e fundit për gjendjen e Christian Eriksenit, pas ngjarjes së djeshme ku danezi u shtri pa ndjenja në fushë, duke i tronditur të gjithë.
Federata e Danimarkës theksoi se gjendja e Eriksenit është e qëndrueshme dhe po vazhdon të trajtohet në spital.
" Këtë mëngjes kemi folur me Christian Eriksen, i cili i ka dërguar përshëndetjet e tij shokëve të skuadrës. Gjendja e tij është e stabilizuar dhe ai vazhdon të jetë i shtruar në spital për ekzaminime të mëtejshme shëndetësore.
Skuadra dhe stafi i ekipit kombëtar ka marrë asistencë për situata krize dhe do të vazhdojë të jetë në mbështetje të njëri-tjetrit pas incidentit të djeshëm.
Do të dëshironim të falënderonim të gjithë për urimet e ndjera ndaj Eriksen nga tifozët, lojtarët, familjet mbretërore të Danimarkës dhe Anglisë, federatat, klubet, etj.
Ne i ftojmë të gjithë të dërgojnë mesazhet e tyre në Federatën e Futbollit të Danimarkës, ku do të sigurohemi që ato do t;i kalojnë Christian Eriksen dhe familjes së tij”, shkruhej në njoftimin e Federatës Daneze rreth gjendjes së futbollistit.
© SYRI.net