Bizneset Shqiptare po përballen me mungesë të theksuar punonjësish. Në një vëzhgim të Syri Tv, qindra biznese në kryeqytet kanë të ngjitura në xhamat e tyre kërkesa për staf. Ndërkohë, bazuar tek të dhënat më të fundit nga INSTAT, raportohet se nga vendi, brenda 1 viti janë larguar 40 mijë të rinj, të cilët përbëjnë edhe moshën më vitale për punë.
SYRI TV
Popullsia e Shqipërisë më 1 janar 2023 rezulton 2.761.785 banorë, me rënie 1.1%, ose 31.8 mijë persona më pak sesa një vit më parë, sipas INSTAT. rënien më të madhe e ka pësuar grupmosha deri në 29 vjeç. Në total, vendi kishte 40 mijë më pak të rinj nga 0-29 vjeç në janar 2023, në krahasim me janarin 2022.
Qindra bzinese kanë të ngjitura në xhamat e tyre njoftime ku kërkojnë staf. Kërkesat më të mëdha të bizneseve për punonjës duket të jenë në sektorin e shërbimit. Shumë bar-kafe në kryeqytet kërkojnë kamarierë dhe banakier, ndërsa edhe furrat e bukës duket se janë në krizë për shitës apo punonjës prodhimi.
Vazhdimisht, ekspertët kanë ngritur alarmin mbi krizën që po hasin bizneset për punonjës të kualifikuar, gjë e cila ndikon negativisht në ekonominë e vendit.
© SYRI.net