Një kompani e njohur e tregtimit të mallrave, ALKAGESTA filloi furnizimin e tregut shqiptar në fillim të vitit 2023. 

Kjo kompani përfundoi shkarkimin e dytë të suksesshëm të 30 mijë tonëve naftë me origjinë nga BE në Porto Romano, Durrës në 3 Mars 2023. 

Së bashku me partnerët e saj në Shqipëri në këtë kohë të shkurtër arriti të pasqyrojë aspektet pozitive të produktit të cilësisë së lartë të BE-së dhe rritjen e konkurrueshmërisë së çmimeve duke transferuar si përfitime të menjëhershme për konsumatorët në këtë treg, por edhe më tej në tregjet e vendeve në kufi me Shqipërinë. 

Alkagesta planifikon të rrisë portofolin e produkteve të saj në Shqipëri dhe të bashkëpunojë ngushtë me kompanitë shqiptare të naftës dhe institucionet publike për të ofruar produktin më cilësor që do të sjellë kursime shtesë për të gjithë konsumatorët fundorë.

“Ne jemi të kënaqur të fillojmë biznesin në Shqipëri dhe presim me padurim të ndërtojmë një marrëdhënie afatgjatë me partnerët tanë në rajonin e Ballkanit, duke mbështetur Evropën me një disponueshmëri të pandërprerë dhe në përputhje me rregullat e burimeve të energjisë me një çmim të përballueshëm”, tha shefi ekzekutiv i Alkagesta.

E themeluar në vitin 2018 në Maltë, sot Alkagesta është rritur në një shtëpi tregtare avangarde të mallrave që operon globalisht.

Alkagesta është e specializuar në tregtimin e gamës së plotë të produkteve të naftës, petrokimikeve, plehrave dhe mallrave bujqësore.

Ekspertiza e tyre në tregjet fizike dhe letre e shoqëruar me logjistikë të mirë-menaxhuar i mundëson Alkagesta-s të përmbushë në mënyrë të sigurtë dhe të përgjegjshme kërkesën në rritje të botës për mallra dhe t’u shërbejë palëve anembanë globit.