Ambasadorja amerikane Yuri Kim ka qene sot në Kukës për të marrë pjesë në nisjen e projektit për hidrocentralin e Skavicës. Znj. Kim tha se "sot është një ditë historike në këtë marrëdhënie me fillimin e projektit për hidrocentralin e Skavicës, midis Qeverisë së Shqipërisë dhe një prej kompanive më të mëdha amerikane të infrastrukturës, Bechtel. Skavica ka qenë një ëndërr në vend, për dekada të tëra, dhe sot është një nga gurët më të rëndësishëm kilometrikë që më në fund po e shohim të bëhet realitet".