Sektori i turizmit është rikuperuar ndjeshëm gjatë këtij sezoni nga efektet negative që dha pandemia Covid-19. Sipas të dhënave të INSTAT në muajin korrik u futën në vend 1,158,962 shtetas të huaj. Ky numër ishte tre herë më i lartë se në korrik i vitit 2020 dhe vetëm 1.5% më i ulët se në korrikun e vitit 2019.
Flukset turistike në korrik 2021 janë furnizuar kryesisht nga shtetasit nga Kosova dhe ato nga Maqedonia e Veriut.
Gjatë muajit korrik hynë në vend 521,265 shtetas nga Kosova me një rritje 16 % më shumë se në vitin 2019. Flukset nga Kosova zunë 45 për qind te të gjithë shtetasve të huaj që vizituan vendin tonë në korrik, nga 38% në të njëjtën periudhë 2019.
Për të gjithë periudhën 7 -mujore hynë gjithsej në vendin tonë 2,846,881 shtetas të huaj. Ky numër ishte më 154% më i lartë se në vitin 2020 për të njëjtën periudhe dhe 19 për qind më rënie në raport me janar-korrik, 2019.
Gjatë këtij viti turizmi në Shqipëri është furnizuar më së shumti nga kërkesa rajonale dhe kryesisht nga Shqiptarët e Kosovës dhe Maqedonisë. Hyrjet nga Maqedonia shënuan rritje me 6% në krahasim me vitin 2019.
Turistët polakë megjithëse kanë nisur të rikthehen, numri i tyre ishte 16 % më i ulët se në muajin korrik 2019.
Vërshojnë ikjet e shqiptarëve jashtë vendit, por 30% më të ulëta se me 2019
Pas lehtësimit të masave kufizuese ka nisur edhe ikjet e Shqiptareve jashtë vendit. Daljet e shtetasve shqiptarë dhe të huaj nga territori i Shqipërisë, gjatë muajit Korrik 2021, janë 1.459.462 duke shënuar një rritje me 2,7 herë, krahasuar me të njëjtën periudhë të një viti më parë, por 30% më të ulta se në vitin 2019.
Daljet e shtetasve shqiptarë nga territori i Shqipërisë, gjatë muajit Korrik 2021, janë 475.896. Krahasuar me Korrik 2020, ky numër është rritur me 1,9 herë.
Daljet e shtetasve të huaj nga territori i Shqipërisë gjatë muajit Korrik 2021, janë 983.566. Krahasuar me Korrik 2020, ky numër është rritur me 3,3 herë. Numri i shtetasve shqiptarë të dalë nga territori i Shqipërisë gjatë shtatë-mujorit të 2021, është 2.179.019. Ky tregues është rritur me 34,0 %, krahasuar me të njëjtën periudhë të një viti më parë./MONITOR
© SYRI.net
Këmbimi valutor 16 prill/ Me sa shiten e blihen dollari dhe euro
Rënia e bujqësisë dhe industrisë rrezikon 54% të të punësuarve në vend në sektorin privat
Detyrimi vjetor për profesionet e lira arrin deri në 9 mijë euro, biznesi: Shumë i lartë, do nxisë evazionI bej thirrje Shkt. Z. Meta ta falenderoje popullin e Kosoves ne emer te te gjithe shqiptareve, dhe te ftoje Presidenten e Kosoves dhe t'i dorezoje asaj ne emer te gjithe popullit kosovare dekoraten ''NAIM FRASHERI I ARTE'' me motivacionin: Shpetimtare te ekonomise shqiptare . Nuk eshte per te qeshur por per t'i falenderuar. Mirenjoje dhe rrespekt per ta.
Edhe nga birra korca me president ish sigurimsin qe u gdhi multimilioner i ndihmuar nga serbi Bregovic dhe rama&company, falenderojme pjesmarsit e birra korces qe u ushqyen me kernacka arancata te quajtur birra dhe tallava serbe, mortja ti haje e mos ti ndahet ne breza
Denonco
Merrni lajmet më të fundit nga SYRI.net në çdo moment dhe kudo që të jeni!
