Nga 30 qershori, do të hidhet për herë të parë në tregun shqiptar, kartëmonedha 10 mijë lekëshe, me vlerën me të lartë monetare I cili do të përmbajë portretin e autorit të himnit kombëtar dhe poetit Asdreni.
Nga SYRI TV
Nga 30 qershori, Banka e Shqipërisë do të hedh në treg për herë të parë kartëmonedhën 10 mijë lekëshme, si dhe një tjetër prerje të 1 mijë lekëshit. Guvernatori Gent Sejko ka deklaruar se hedhja ne treg e kartëmonedhës me vlerën me të lartë monetare do të ulë kostot e prodhimit duke rritur efikasitetin e bankës për administrimin e parasë fizike.
Kartëmonedha e re 10 mijë lekëshe do të mbajë portretin e poetit të shquar të Rilindjes Kombëtare Shqiptare, njëkohësisht autor i ‘Himnit Kombëtar’, Aleksandër Stavre Drenova i njohur si Asdreni.
Ndërkohë, Sejko njoftoi gjithashtu se ‘Banka e Shqipërisë po vijon punë për plotësimin e serisë së re me dy kartëmonedha, atë 500 lekë dhe 2000 për kartëmonedhën që janë në proces prodhimi’.
© SYRI.net