Raporti i Global Initiative u diskutua në emisioni Ekonomi Plus në Syri Tv. Kordinatorja për Ballkanin Perëndimor, Fatjona Mejdini shpjegoi sesi injektohen në ekonomi paratë e krimit të organizuar.

“Paratë e pista vijnë në Shqipëri në rrugë mjaftë të sofistikuara pasi grupet kriminale zotërojnë më tepër asete dhe të ardhura se vetë shteti. Para të tjera gjenerohen dhe qëndrojnë në Shqipëri ku pastrohen në ndërtim, lojëra fati dhe turizëm ku bashkëpunohet me biznese të ligjshme.”

Një tjetër shqetësim që ngrë Raporti është trafikimi i emigrantëve të paligjshëm. Mejdini tha se mbështetja nga shteti për këtë fenomen nuk mungon.

“Emigrantët e paligjshëm janë një mënyrë trafikimi e cila nuk preferohet nga grupet e mëdha kriminale. Ky lloj trafikimi kërkon mbështetje nga shteti. Në këtë skemë janë përfshirë edhe oficerë policie të cilët edhe janë ndaluar. Frontex nga ana tjetër nuk e ka frenuar fenomenin.”

Ndiqni emisionin e plotë Ekonomi Plus: