Qeveria rëndon taksat mjedisore/ INSTAT: Shqiptarët paguan 381 mln euro në 2016

Qeveria rëndon taksat mjedisore/ INSTAT: Shqiptarët paguan 381 mln euro në 2016

16:34, 22/07/2018
A+ Aa A-

Taksa e qarkullimit ka rritur ndjeshëm barrën e taksave që qytetarët shqiptarë paguajnë në emër të mjedisit.

Instituti i Statistikave raportoi se familjet shqiptare paguan 48 miliardë lekë ose mbi 381 milionë euro taksa për mjedisin në vitin 2016.

Sipas INSTAT, krahasuar me vitin 2015, fatura e taksave mjedisore që paguajnë qytetarët është rritur me 8.64 për qind, kryesisht si pasojë e rritjes së taksave të transportit.

Më konkretisht nga 44 miliardë lekë që ishin në vitin 2015, barra e taksave të paguara nga qytetarët u rrit në 48 miliardë lekë një vit më pas. Ndërsa krahasuar me vitin 2013, qytetarët shqiptarë kanë paguar mbi 100 milionë euro më shumë taksa mjedisore. shkruan SYRI.net.

Image

Nga struktura e të ardhurave të taksave mjedisore për vitin 2016, taksat e energjisë zënë pjesën më të madhe të të ardhurave me 51,36 %, të shoqëruar nga taksat e transportit 44,67 %, taksat e ndotjes me 3,93 % dhe taksat e burimeve natyrore me 0,03 %.

Asryeja kryesore e rritjes së barrës të taksave mjedisore është taksa e qarkullimit, e cila mblidhet në çmimin e karburanteve. Në vitin 2014 qeveria e katërfishoi taksën e qarkullimit, duke e bërë në 27 lekë për litër nga 7 lekë që ishte më parë.

Qeveria shqiptare mbledh rreth 180 milionë euro në vit nga taksa e qarkullimit, para të cilat shkojnë për të mbushur nevojat e buxhetit dhe aspak për të përmirësuar mjedisin. 

© SYRI.net

Lexo edhe:

Komentet

Shto koment

Denonco