Argjentina u mund mbrëmë nga Kroacia me rezultatin e thellë 3-0, duke rrezikuar kualifikimin në fazën me eliminim direkt.
Lionel Messi me shokë nuk arritën të bënin një ndeshje aspak të mirë, sidomos në pjesën e dytë.
Megjithatë për shumë sportdashës, këto disfata ndoshta e kanë një përgjigje, Mauro Icardi nuk është i grumbulluar me Kombëtaren.
Në fakt kjo është një “telenovelë” e gjatë, pasi sulmuesi i Interit nuk është pëlqyer prej kohësh nga Argjentina, ndërsa 25-vjeçari në një postim në “Twitter” në muajin janar shkruante “chauu chauuu”, si një lamtumirë nga përfaqësuesja e tij.
Pas kësaj humbjeje, ndjekësit e tij janë kthyer pas në kohë, duke komentuar shumë në këtë status, që edhe pse është i postuar disa muaj më parë, tregoi se ka një peshë shumë të madhe.
© SYRI.net