Belgjika e ka nisur mjaft mirë Kampionatin Botëror pasi ka fituar me rezultatin 3-0 përballë Panamasë në ndeshjen e vlefshme për Grupin G.

Pjesa e parë e takimit befasoi të gjithë pasi u mbyll me rrjeta të paprekura pasi Hazard, Lukaku dhe Mertens nuk arriten të mposhtin portierin.

Me fillimin e fraksionit të dytë të lojës Belgjika u hodh në sulm dhe menjëherë gjeti golin falë një “perle” të Mertens.

Ndërsa dy golat e tjerë u shënuan nga sulmuesi i Manchester United, Romelu Lukaku (69’ dhe 75’).

Ndeshja tjetër ndërmjet Tunizisë dhe Anglisë luhet në orën 20:00.