Një studente në një universitet në Afrikën e Jugut, e cila zbuloi në llogarinë e saj një depozitë të gabuar prej 1 milion dollarë në llogarinë e saj të ndihmës financiare, shpenzoi më shumë se 60.000 dollarë para se autoritetet të kuptonin gabimin.

Kjo “lajthitje” ndodhi në universitetin Walter Sisulu në krahinën e Kepit Lindor, ku një shumë marramendëse parash u ngarkua aksidentalisht në kartën e debitit të ndihmës nanciare të studentes. Paratë, të cilat supozohej të ishin vetëm 100 USD për ushqim dhe libra, u bënë menjëherë të disponueshme për studenten, sipas kompanisë përgjegjëse për lëshimin e kartave të studentëve. Katër zero më shumë u shtuan në depozitën direkte.

Autoritetet e universitetit u vunë në dije nga një studente tjetër e cila kishte vënë re shpenzimet marramendëse të studentes. Kompania mori përgjegjësinë e plotë për këtë ngjarje të jashtëzakonshme dhe tha se tashmë po zbatonin politika të reja që një incident i tillë të mos përsëritet më kurrë./tvklan.al