OBSH: Shpërthimi i Ebolës në Kongos mund të ketë filluar që në janar

Kreu i Organizatës Botërore të Shëndetësisë, Dr. Tedros Adhanom Ghebreyesus ka deklaruar se shpërthimi i Ebolës në Kongo mund të ketë filluar që në janar, duke i dhënë virusit një avantazh të madh.

Ghebreyesus tha gjithashtu se reagimi po pengohej nga kufizimet e përgjithshme të udhëtimit dhe theksoi nivelet e larta të mosbesimit të komunitetit dhe nivelet e ulëta të gjurmimit të kontakteve si shqetësime kryesore.

Që nga identifikimi i shpërthimit në mesin e majit, virusi Bundibugyo ka shkaktuar 344 raste të konfirmuara të Ebolës, përfshirë 60 vdekje në RDK, dhe 15 raste të konfirmuara, përfshirë një vdekje në Ugandën fqinje.

“Shpërthimi pati një avantazh të madh dhe ne jemi ende prapa”, tha Tedros, me qendrat e trajtimit të ngritura tani në të gjithë provincën Ituri, pjesa më e prekur e RDK-së.

Ai u bëri thirrje vendeve që kanë vendosur kufizime të përgjithshme udhëtimi, siç janë SHBA-të, t’i heqin ato. Sipas tij ato po prishin zinxhirët e furnizimit dhe po pengojnë reagimin.

Gjurmimi i kontakteve, një element kyç i reagimit ndaj çdo shpërthimi të sëmundjeve infektive, po bëhet veçanërisht i vështirë nga pasiguria dhe zhvendosja në Ituri, tha ai, me vetëm rreth 45% të kontakteve të ndjekura.

Mosbesimi ishte një pengesë serioze, tha ai, me disa udhëheqës të komunitetit që i thanë gjatë një vizite në RDK javën e kaluar se nuk besonin se Ebola ishte e vërtetë. Ai tha se ishin gjithashtu të shqetësuar se reagimi do t’u merrte burimet shërbimeve të tjera jetësore.