Avionët F-15 amerikanë rrëzohen mbi Kuvajt, nuk ka humbje jete nga ekuipazhi

Ministria e Mbrojtjes e Kuvajtit ka njoftuar se disa avionë ushtarakë amerikanë janë rrëzuar mëngjesin e sotëm brenda territorit të vendit.

Sipas autoriteteve kuvajtiane, anëtarët e ekuipazhit kanë mbijetuar pa pësuar lëndime dhe ndodhen në gjendje të qëndrueshme shëndetësore, pasi janë evakuuar menjëherë nga vendngjarja dhe janë transferuar në spitale për kontrolle mjekësore.

Footage of an F-15 falling out of the sky this morning over Kuwait, in an apparent “friendly fire” incident involving the U.S. Air Force. pic.twitter.com/GQvryfJ4C4

— OSINTdefender (@sentdefender) March 2, 2026

Ministria theksoi se hetimet për zbardhjen e shkaqeve të incidentit janë duke vazhduar dhe se më shumë detaje do të bëhen publike në vijim.

Ndërkohë, një video e shpërndarë në internet dhe e verifikuar nga Sky News duket se tregon momentin kur një prej avionëve bie në një spirale të lirë përpara përplasjes me tokën.