Lajmi i fundit

LIVE/ Rinis mbledhja e Këshillit Bashkiak në Himarë

Frikëson Kim i Koresë së Veriut: Raketat mund të përfshijnë gjithë SHB-në

Frikëson Kim i Koresë së Veriut: Raketat mund të përfshijnë gjithë SHB-në

13:04, 29/07/2017
A+ Aa A-

Lideri i Koresë Veriore, Kim Jong Un, ka thënë se raketat balistike interkontinentale të vendit të tij kanë kapacitet të përfshijnë tërë territorin e SHBA-së.

Presidenti i SHBA-së, Donald Trump, ka premtuar se “do të marrë gjithë hapat e nevojshëm” për të mbrojtur vendin e tij.

Deklarata e Kim Jong Unit, e cila është transmetuar nga agjencia shtetërore e lajmeve në Korenë Veriore, erdhi vetëm një ditë, pasi Penjani lansoi për testim raketën e dytë balistike interkontinentale (ICBM), shkrua "Koha.net".

Sipas zyrtarëve raketa ishte më e avancuar dhe fluturoi më shumë se sa raketa e parë.

Sipas ekspertëve, një raketë e tillë mund të arrijë deri në Los Angeles dhe Chicago.

Në deklaratë po ashtu thuhet se testi “është kryer me shumë sukses” dhe ka përmbushur objektivin, që Koreja Veriore të ketë kapacitet të sulmojë SHBA-në me koka bërthamore.

Trump e ka cilësuar këtë testim si “të pamatur dhe të rrezikshëm”, dhe ka paralajmëruar Penjanin se ambiciet e këtij vendi do të dështojnë.

“Duke kërcënuar botën, këto testime të armëve e izolojnë Korenë Veriore dhe dobësojnë ekonominë e saj”, ka thënë Trump.

“Shtetet e Bashkuara do të marrin të gjithë hapat e nevojshëm për të rujtur sigurinë e Amerikës dhe të aleatëve tanë në rajon”, ka shtuar tutje ai.

Zëdhënësi i qeverisë japoneze, Yoshihide Suga, ka thënë se raketa e Koresë Veriore ka fluturuar 45 minuta, rreth 5 minuta më shumë se testimi i mëparshëm i një rakete të tillë.

Ushtria e Koresë Jugore ka thënë se raketa ka arritur lartësi prej 3,700 kilometrash përpara se të arrinte në det.

© SYRI.net

Lexo edhe:

Komentet

Shto koment

Denonco