Përmbytjet në Texas/ Babai kërkonte të shpëtonte fëmijët, por uji i rrëmbyeshëm i mori të gjithë

Mbi 100 persona kanë humbur jetën nga përmbytjet shkatërruese në Teksas, përfshirë edhe dhjetëra fëmijë.

Në qarkun Kerr, i cili u godit më rëndë, janë regjistruar të paktën 84 viktima, përfshirë 28 fëmijë. Në total, në pjesën qendrore të shtetit janë regjistruar zyrtarisht deri tani 104 vdekje.

Por një tragjedi e papërshkrueshme ndodhi në Kerr, kur një baba refuzoi të linte fëmijët gjatë përmbytjeve të ashpra, dhe për pasojë të gjithë u përfshinë nga uji, sipas dëshmive.

Lorena Guillen, pronare e parkut Blue Oak RV, vendi më i goditur nga përmbytjet, përshkroi me tronditje skenën.

Burri përpiqej të shpëtonte familjen e John Burgess, babait tragjik që kishte përqafuar një pemë, së bashku me fëmijët e tij.

Burgess, banor i Liberty në Teksas, është ndër viktimat e konfirmuara, ndërsa gruaja e tij Julia dhe dy djemtë e vegjël janë ende të zhdukur. Vajza e çiftit, që ndodhej në një kamp veror afër, është e sigurt.

Guillen përshkroi shkatërrimin total në park, ku të gjitha 28 karavanët u shkatërruan. Britmat e tmerrit dëgjoheshin kudo. “Kabina lëviznin mbi ujë dhe përplaseshin në pemë. Dëgjoje të bërtisnin: ‘Ndihmë! Ndihmë!’”.

Në natën fatale, Guillen mbylli barin rreth orës 00:45, kur nisi shiu i fortë. Megjithëse komunikoi me autoritetet për një evakuim të mundshëm, nuk kishte informacione të mjaftueshme për nivelin e lumit.

Të dielën u nxorën tetë trupa nga prona e saj, ndërsa dhjetëra persona ishin të zhdukur. Dy vajza u gjetën gjallë nën rrënojat e parkut fqinj të karavanëve. Shpejtësia dhe forca e përmbytjes ishte e pabesueshme: lumi Guadalupe u ngrit 8.2 metra në vetëm 45 minuta.

Sot, pamja është e frikshme: makina të shkatërruara, pemë rrënjosur dhe tela të pambuluar gjenden kudo. Syri.net-newsbomb.gr