Carles Puigdemont është kthyer në Spanjë. Ish-presidenti i arratisur rajonal katalanas iu drejtua një turme në Barcelonë mëngjesin e së enjtes.

“Kam ardhur sot që t’ju kujtoj se ne jemi ende këtu,” deklaroi ai ndër të tjera.

Me shumë gjasa, Puigdemont do të përballet me arrestimin.

Kush është Carles Puigdemont?

Puigdemont është një separatist katalanas nga partia “Junts per Catalunya”, i cili shërbeu si president rajonal në vitet 2016-2017. Ai ka jetuar në mërgim të vetë-imponuar për shtatë vitet e fundit.

Pasi u largua nga Spanja për të shmangur arrestimin për rolin e tij në ndarjen e dështuar, duke lënë të tjerët në kabinetin e tij të përballen me gjyq dhe burgim, ai u rishfaq në qytetin e vogël belg të Ëaterloo si një eurodeputet dhe udhëheqës i asaj që ai e quajti një "qeveri katalane në mërgim”.

Por në maj, deputetët spanjollë dhanë miratimin e tyre përfundimtar për ligjin e amnistisë që kryeministri socialist i vendit, Pedro Sánchez , u ofroi separatistëve katalanas në këmbim për ta ndihmuar atë të kthehej në pushtet pas zgjedhjeve të përgjithshme të vitit të kaluar jo-përfundimtare.

Megjithatë, në korrik, Gjykata e Lartë e Spanjës la në fuqi urdhrat e arrestit për Puigdemont dhe të tjerët që akuzohen për shpërdorim të fondeve publike, duke vendosur se ligji i amnistisë nuk zbatohej për ta.

Këtë javë, Puigdemont njoftoi se do të jetë në parlamentin katalanas në Barcelonë teksa betohet lideri i ri i rajonit. Politikani socialist Salvador Illa do të emërohet presidenti i ri katalanas.