Presidenti venezuelian, Nikolas Maduro ka bërë të qartë se nuk do të pranojë, asnjë nga përpjekjet e opozitës për të “uzurpuar sërish presidencën”.

Kështu deklaroi presidenti i Venezuelës, Nicolas Maduro, duke shtuar se “patrullat ushtarake dhe policore do të vazhdojnë të jenë në terren”, në një kohë kur numri i protestuesve të vdekur ka arritur në 11.

Pasi zgjedhjet presidenciale në Venezuelë u lanë në hije nga akuzat për mashtrim, qeveria autoritare po ndërmerr veprime të ashpra kundër demonstruesve.

 “Ne kemi 2,000 të burgosur dhe po i dërgojmë në (burgjet e sigurisë maksimale) Tocorón dhe Tocuyito”, u tha mbështetësve presidenti Nicolas Maduro.

Opozita akuzon qeverinë për mashtrim zgjedhor dhe pretendon fitoren e kandidatit të saj González. Sipas informacioneve të tyre, kundërshtarët e qeverisë kanë lista të detajuara të rezultateve nga më shumë se 80 për qind e zonave të votimit. Prandaj, González thuhet se ka marrë 67 për qind të votave dhe Maduro vetëm 30 për qind.

Shumë vende nuk e njohën rizgjedhjen e Maduros më 2018. Kryetari i atëhershëm i parlamentit, Juan Guaido, e shpalli veten president të përkohshëm. Shtetet e Bashkuara, Gjermania dhe vende të tjera e njohën atë, por pavarësisht protestave të dhunshme, ai nuk ishte në gjendje të pranohej në vend, kryesisht sepse ushtria ishte pas Maduros. Tani forcat e armatosura e siguruan edhe një herë për besnikërinë e tyre.