Izraeli urdhëron palestinezët të largohen nga qyteti i dytë më i madh i Gazës

Izraeli urdhëron palestinezët të largohen nga qyteti i dytë më i madh i Gazës

22:17, 10/07/2024
A+ Aa A-

Izraeli i ka urdhëruar të mërkurën të gjithë palestinezët të largohen nga Qyteti Gaza në veri, në një kohë kur duket se bombardime në territorin e rrethuar palestinez janë përshkallëzuar.

Izraeli thotë se është duke i ndjekur pjesëtarët e Hamasit – grupit të shpallur terrorist nga Shtetet e Bashkuara dhe Bashkimi Evropian – të cilët janë duke u rigrupuar në pjesë të Gazës që ishin bombarduar në fillim të luftës.

Sulmet e mëdha izraelite nëpër Gazë në ditët e fundit, si pasojë e të cilave janë vrarë dhjetëra njerëz, mund të kenë për qëllim ta rrisin trysninë ndaj Hamasit gjatë bisedimeve për armëpushim.

Ndërmjetësit nga SHBA-ja, Egjipti dhe Katari janë duke mbajtur takime me zyrtarët izraelitë në Katar, për bisedime në përpjekje për ta arritur një marrëveshje armëpushimi.

Izraeli e nisi luftën në Gazë si përgjigje ndaj një sulmi nga Hamasi në jug të Izraelit më 7 tetor, ku u vranë 1.200 njerëz, kryesisht civilë, dhe u rrëmbyen rreth 250 të tjerë.

Prej atëherë, lufta izraelite në Gazë i ka vrarë më shumë se 38.000 palestinezë, gjysma e të cilëve fëmijë dhe gra, sipas zyrtarëve shëndetësorë palestinezë.

Lufta gjithashtu ka shkaktuar dëme të jashtëzakonshme dhe ka nxitur një krizë të madhe humanitare në Gazë.

© SYRI.net

Lexo edhe:

Komentet

Shto koment

Denonco