Fuqitë bërthamore po modernizojnë arsenalin

Fuqitë bërthamore po modernizojnë arsenalin

21:26, 17/06/2024
A+ Aa A-

Fuqitë bërthamore po zhvillojnë gjithnjë e më shumë arsenalet e tyre ndërsa situata gjeopolitike përkeqësohet. Konkluzioni del në një raport të Institutit Ndërkombëtar të Kërkimit të Paqes në Stokholm (SIPRI).

"Nëntë shtetet me arsenal bërthamor - Shtetet e Bashkuara, Rusia, Mbretëria e Bashkuar, Franca, Kina, India, Pakistani, Republika Popullore Demokratike e Koresë (Koreja e Veriut) dhe Izraeli – kanë vijuar t’i modernizojnë arsenalet e tyre bërthamore, madje disa prej tyre shtuan të reja në vitin 2023”, thuhet në raport. Një nga gjetjet kryesore të SIPRI-t është se numri dhe llojet e armëve po rriten ndërsa vendet mbështeten gjithnjë e më shumë në parandalimin bërthamor. Në janar 2024, kishte rreth 12,121 koka bërthamore në botë, nga të cilat 9,585 ishin në gatishmëri. Sipas raportit, 3,904 prej tyre u vendosën në raketa ose avionë, një rritje prej 60% krahasuar me vlerësimet për janarin e kaluar.Rreth 2,100 koka luftarake të vendosura ishin në gatishmëri të lartë për raketat balistike. Sipas institutit kërkimor, pothuajse të gjitha kokat e luftës i përkisnin Rusisë ose Shteteve të Bashkuara, por Kina besohet se ka vendosur disa prej tyre në gatishmëri të lartë për herë të parë.

India, Pakistani dhe Koreja e Veriut, nga ana tjetër, po kërkojnë një mënyrë për të vendosur koka të shumta në raketat balistike. Mbretëria e Bashkuar, Kina, Rusia, Shtetet e Bashkuara dhe Franca tashmë kanë aftësi të tilla, sipas institutit./ Tema- Syri.Net /

© SYRI.net

Lexo edhe:

Komentet

Shto koment

Denonco