Rreth 100 persona dyshohet se kanë vdekur mëngjesin e sotëm nga një rrëshqitje e madhe dheu në një fshat të largët në Papua Guinea e Re, sipas banorëve vendas që po marrin trupat e të vdekurve, raporton “ABC News”.

Autoritetet nuk e kanë konfirmuar numrin e viktimave.

Rrëshqitja e dheut preku fshatin Kaokalam në provincën Enga, i cili ndodhet rreth 600 kilometra në veriperëndim të kryeqytetit të Papuas, Port Moresby.

Banorët e fshatit thonë se më shumë se 100 persona kanë humbur jetën pasi rrëshqitja e dheut rrafshoi shtëpitë ndërsa fshatarët ishin ende duke fjetur.