Mekanizmi Koordinues SHBA-BE për Integritetin e Informacionit në Ballkanin Perëndimor

Departamenti i Shtetit i SHBA-së dhe Shërbimi i Veprimit të Jashtëm të Bashkimit Evropian njoftuan se nisën një Mekanizëm të përbashkët Koordinues SHBA-BE për Ballkanin Perëndimor – i fokusuar ekskluzivisht në manipulimin e informacionit të huaj dhe ndërhyrjet (FIMI), që përfshin dezinformimin dhe propagandën. Kjo ndodhi pas takimit ministror të Këshillit të Tregtisë dhe Teknologjisë SHBA-BE të mbajtur në Belgjikë muajin e kaluar,

Në njoftimin e DASH thuhet: :Duke njohur politikën tonë të përbashkët ndaj Ballkanit Perëndimor dhe aktorëve të huaj që synojnë rajonin me operacionet FIMI, Mekanizmi do të forcojë integritetin e mjedisit të informacionit në Ballkanin Perëndimor.  

Ky mekanizëm do të fuqizojë partnerët me të njëjtin mendim që të bëhen të vetë-mjaftueshëm në adresimin e kërcënimit të informacionit të huaj dhe të punojnë së bashku për të reduktuar aftësinë e Rusisë dhe Republikës Popullore të Kinës për të përdorur propagandë dhe fushata manipulimi informacioni në rajon.

Ne po vazhdojmë të punojmë drejt integrimit të rajonit në strukturat euroatlantike.  

Kjo politikë synon të forcojë Evropën si një partner gjeostrategjik, forcon qeverisjen demokratike dhe sundimin e ligjit dhe i bën partnerët rajonalë më të sigurt dhe më të begatë.  

Kjo politikë mbështetet në ruajtjen e integritetit të hapësirës së informacionit dixhital.  

Sot, meqenëse informacionet faktike dhe të manipuluara janë njëlloj me rrjedhje të lirë dhe pa kufij, një fushë informacioni e hapur dhe e bazuar në fakte është një aspekt i domosdoshëm i qeverisjes së suksesshme demokratike.”/ar,sh/SYRI.NET