Një mosmarrëveshje mes kryeministres italiane Giorgia Meloni dhe pronarit të Fiat, Stellantis, është ndërprerë nga Fiat-i që ka rënë dakord ta heqë flamurin italian nga parakolpi i makinave Fiat 600 të prodhuara në të vërtetë në Poloni.

Marrëveshja mes qeverisë italiane është e fundit radhazi me Stellantis, që muajin e kaluar tha se do ta riemërtonte SUV-in Milano të Alfa Romeos, i prodhuar gjithashtu në Poloni.

Kryeministrja italiane dhe ministrat e saj e kanë akuzuar Stellantis se ka mashtruar blerësit e makinave të tyre nëpërmjet përdorimit të emërtimit "tingëllues italiane".

Ministri italian i industrisë Adolfo Urso shpjegoi: "Një makinë e quajtur Milano nuk mund të prodhohet në Poloni. Kjo është e ndaluar nga ligji italian.

"Ky ligj përcakton që ju nuk mund të jepni indikacione që mashtrojnë konsumatorët ... një makinë e quajtur Milano duhet të prodhohet në Itali." Makina tani quhet Junior.

Stellantis i ka mohuar vazhdimisht akuzat, përfshirë atë që ka të bëjë me përdorimin e flamurit italian, duke argumentuar se flamuri simbolizon "origjinën sipërmarrëse të produktit". Ai ra dakord të hiqte flamurin nga SUV-at Fiat 600 për të "parandaluar çdo keqkuptim".

Prodhuesi i makinave tha në një deklaratë se "po operonte me transparencë të plotë dhe absolute në lidhje me vendin e montimit të produkteve të veta.

Ai shtoi: "Stellantis është plotësisht i bindur se gjithmonë ka vepruar me korrektësi të plotë në këtë drejtim."

Policia italiane ka sekuestruar javën e kaluar më shumë se 130 makina Fiat Topolino të importuara nga Maroku, ku janë prodhuar, pasi mbanin në dyert e tyre një afishe me ngjyrat e flamurit italian.

Stellantis është me bazë në Holandë dhe u krijua përmes bashkimit të Fiat Chrysler Automobiles dhe PSA Group me bazë në Francë në 2021. 

Meloni ka kritikuar më parë bashkimin e dy kompanive, duke thënë se ishte efektivisht një rrëmbim nga francezët.

Franca ka një aksion në biznes dhe një vend në bordin e Stellantis, por përpjekjet e Italisë për të fituar përfaqësim janë refuzuar nga John Elkann, investitori më i madh në Stellantis dhe gjithashtu kreu i familjes Agnelli, familja që filloi biznesin që u bë prodhuesi më i madh i makinave në Itali.