Territori francez përtej oqeanit në jugperëndim të oqeanit Paqësor është tronditur nga përleshjet dhe plaçkitjet për më shumë se një javë mbi një reformë të sistemit të votimit të propozuar nga Parisi.

Presidenti francez Emmanuel Macron është rrugës për në ishullin e Kaledonisë së Veriut në oqeanin Paqesor ku pritet të mbërrijë të enjten.

Qeveria franceze tha se kryeministri Gabriel Attal gjithashtu do të shkojë në ishull në javët e ardhshme.

Gjashtë persona janë vrarë, duke përfshirë dy oficerë policie, dhe qindra janë plagosur gjatë përleshjeve të fundit të armatosura, plaçkitjeve dhe zjarrvënieve në Kaledoninë e Re.

Trazirat shpërthyen më 13 maj kur qeveria franceze debatoi ndryshimet në Kushtetutën franceze për të ndryshuar listat e votuesve të Kaledonisë së Re.

Kundërshtarët kanë frikë se nga vendimi do të përfitojnë nga politikanët pro-Francës në Kaledoninë e Re dhe do të margjinalizohet më tej popullsia indigjene e Kanakëve, e cila dikur vuante nga politikat strikte të ndarjes dhe diskriminimi i përhapur.

Aktualisht në ishull zbatohet një gjendje e jashtëzakonshme, si dhe një shtetrrethimi, dhe aeroporti është i mbyllur për fluturime komerciale.

Australia dhe Zelanda e Re fqinje kanë evakuuar tashmë dhjetëra qytetarë në vendet e tyre përkatëse.