Ja një vështrim në disa skena të tjera nga takimi i sotëm midis liderit kinez Xi Jinping dhe presidentit rus Vladimir Putin në Pekin - vizita e parë ndërkombëtare e liderit rus që nga fillimi i mandatit të tij të pestë presidencial.

Pati një ceremoni madhështore mirëseardhjeje si dhe një konferencë të përbashkët shtypi.

Putin do të takohet me Xi më vonë sonte në një takim jozyrtar përpara se të niset nesër për në Harbin në Kinën verilindore.

Një udhëtim për mbështetje materiale - dhe morale

Presidenti rus Vladimir Putin dhe presidenti kinez Xi Jinping marrin pjesë në një ceremoni zyrtare të mirëseardhjes në Pekin të Kinës

Administrata Biden ka akuzuar qeverinë kineze se ka ofruar ndihmë të konsiderueshme, të drejtpërdrejtë dhe materiale për pushtimin e Ukrainës nga Putin.

Tani ky udhëtim në Kinë po ofron gjithashtu mbështetje morale për një udhëheqës rus gjithnjë e më të izoluar, i cili nuk mund të udhëtojë nëpër shumë vende për rrezikun e arrestimit dhe dërgimit në Gjykatën Penale Ndërkombëtare.

Ndërsa këtu, Putini mund t'i prezantohet njerëzve të tij si me pamjen e një burri shteti dhe jo atë të një të flakuri tej.

Në mes të një lufte të vazhdueshme dhe të përgjakshme, Putin thuhet se i tha homologut të tij kinez: “Bashkëpunimi ynë në çështjet botërore është një nga faktorët kryesorë stabilizues në skenën ndërkombëtare. Së bashku ne mbrojmë parimet e drejtësisë dhe rendin demokratik botëror.”

Udhëheqësi i Kinës u përgjigj se ata së bashku "mbajnë drejtësinë në botë".