Kryeministri hungarez Viktor Orban tha se politika e BE-së dominohet nga logjika e luftës, duke paralajmëruar se Brukseli “po luan me zjarrin” dhe se vorbulla e luftës mund ta tërheqë Evropën në rrënoja. Advertisement -

Orban shkroi në Facebook se ka një shumicë në BE që është në favor të luftës dhe se Perëndimi është në prag të dërgimit të trupave në Ukrainë.

“Ne hungarezët e dimë se si është lufta. Ne kemi qenë pjesë e saj mjaft herë. Jam i bindur se duhet të qëndrojmë larg kësaj lufte. Kjo nuk është lufta jonë. Ne nuk duam luftë dhe nuk duam që Hungaria të bëhet një Përsëri lodër e fuqive të mëdha, kjo është arsyeja pse ne duhet të qëndrojmë për paqen – në shtëpi, në Bruksel, në Uashington, në OKB dhe në NATO”, theksoi Orbán.

Sipas tij, Sekretari i Përgjithshëm i NATO-s dëshiron të krijojë një mision NATO-Ukrainë.

Orban thekson se liderët evropianë tashmë kanë hyrë në luftë duke dërguar ndihmë ushtarake dhe financiare në Ukrainë dhe duke vendosur sanksione ndaj Rusisë.

Kryeministri hungarez tregon se dërgimi i armëve dhe ndihmave financiare nuk e përmirëson situatën në Ukrainë, por vetëm e përkeqëson atë.