Sekretari amerikan i Mbrojtjes Lloyd Austin foli me ministrin izraelit të Mbrojtjes Yoav Gallant në mëngjes herët të enjten për "kërcënimet rajonale dhe veprimet destabilizuese të Iranit në Lindjen e Mesme", sipas burimeve nga Pentagoni për CNN.

Telefonata ndodhi përpara se Izraeli të kryente një sulm brenda Iranit. Burimi i Pentagonit nuk përmend ndonjë diskutim për planet e Izraelit për të sulmuar.

Austin diskutoi gjithashtu "rëndësinë e rritjes dhe mbajtjes së fluksit të ndihmave humanitare për civilët e Gazës, duke përfshirë përmes rrugës së re nga porti Ashdod në Izrael", thuhet në raport.

CNN raportoi të enjten mbrëma se Izraeli i kishte thënë SHBA-së se do të hakmerrej kundër Iranit në ditët në vijim, sipas një zyrtari të lartë amerikan.

Mediat amerikane thonë se Izraeli e njoftoi SHBA paraprakisht

SHBA-së iu tha për planet e Izraelit për të goditur, por SHBA nuk e miratoi aksionin, thanë zyrtarë të paidentifikuar në disa media amerikane.

Si NBC ashtu edhe CNN kanë raportuar nga zyrtarë të paidentifikuar duke thënë se Izraeli i dha Uashingtonit paralajmërim paraprak.

"Ne nuk e miratuam kundërpërgjigjen," citoi CNN të thoshte një zyrtar.

Shtëpia e Bardhë dhe Pentagoni nuk kanë dhënë ende ndonjë koment mbi sulmin e raportuar, për të cilin Irani thotë se përbënte vetëm disa dronë.

Irani ka hedhur poshtë raportet për një sulm raketor, me një zyrtar duke thënë se "lajmet e mediave amerikane nuk janë të vërteta".