Zagreb, Kroaci — Konservatorët që qeverisin në Kroacii  fituan bindshëm zgjedhjet parlamentare shumë të kontestuara të mërkurën, por do të kenë ende nevojë për mbështetje nga grupet e ekstremit të djathtë për të qëndruar në pushtet, sipas numërimit zyrtar të votave.

Zgjedhjet pasuan një fushatë që u përqëndrua në një rivalitet të ashpër midis presidentit dhe kryeministrit të vendit, shkruan AP.

Votimi përballi partinë konservatore në pushtet Bashkimin Demokratik Kroat të kryesuar nga kryeministri Andrej Plenkoviç, kundër një aleance e partive të qendrës dhe të krahut të majtë, të udhëhequr zyrtarisht nga presidenti populist Zoran Milanoviç dhe Partia e tij Social Demokrate.

Me mbi 90% të votave të numëruara, komisioni shtetëror zgjedhor tha se Bashkimi Demokratik Kroat fitoi 60 vende në parlamentin me 151 vende kurse partia Social-Demokrate mori 42 vende. 

Lëvizja për Shtetësi të ekstremit të djathtë ishte e treta, me 14 vende, duke e bërë atë mbret në bisedimet e ardhshme për qeverinë e ardhshme.

“Duke filluar nga nesër në mëngjes, ne do të fillojmë të formojmë një shumicë të re parlamentare për të formuar qeverinë tonë të tretë”, tha Plenkoviç në fjalimin e tij të fitores.

“Dua të përgëzoj partitë e tjera që u mundën nga Bashkimi Demokratik Kroat”.

Pjesëmarrja ishte më shumë se 50% - një rekord ky- deri disa orë para mbylljes së votimit.

Zgjedhjet u mbajtën pasi Kroacia, një anëtare e Bashkimit Evropian dhe NATO-s, lufton me normën më të lartë të inflacionit në eurozonë, mungesën e fuqisë punëtore, migrimin e paligjshëm dhe raportet për korrupsion të përhapur.

Në rrezik në garën për parlamentin 151-vendësh të Kroacisë nuk ishin vetëm politikat e brendshme të ardhshme të vendit të Detit Adriatik, por edhe uniteti i BE-së, pasi ajo përballet me paqëndrueshmërinë nga pushtimi i plotë i Ukrainës nga Rusia.

Nëse Bashkimi Demokratik Kroat qëndron në pushtet siç pritej, vendi do të vazhdojë në një kurs pro-perëndimor në mbështetjen e Ukrainës në luftën e saj kundër Rusisë. 

Suksesi për Partinë Sociali-Demokrate mund ta vendosë atë në rrugën e fitores në zgjedhjet e Parlamentit Evropian në qershor dhe zgjedhjet presidenciale në dhjetor. Kjo do të trondiste dominimin e gjatë të politikës së Bashkimit dhe hapësirën potencialisht të hapur për ndikim më të fortë pro-rus në vend, të ngjashëm me Hungarinë dhe Sllovakinë./ar.sh/SYRI.NET