François Mitterrand ishte president i Francës midis 1981 dhe 1995

Presidenti Biden tha para një turme në Las Vegas të dielën se ai është takuar së fundmi me Francois Mitterrand-in, presidentin francez i cili ka vdekur prej afro 30 vjetësh.

Komentet erdhën ndërsa Biden po paralajmëronte për rreziqet e një presidence të dytë të mundshme të Trump-it, pasi ai synonte të forconte entuziazmin para zgjedhjeve paraprake Demokrate të së martës në Nevada.

Biden tregoi një histori që e ka treguar shumë herë gjatë presidencës së tij, për një takim që pati me presidentin francez Emmanuel Macron gjatë një takimi të G7-ës në Angli, disa muaj pasi Biden kishte marrë drejtimin e Shtëpisë së Bardhë.

"U ula dhe thashë, ‘Amerika u kthye’", kujtoi Biden. "Dhe Mitterrand nga Gjermania - dua të them nga Franca - më pa dhe tha..."

Biden u duk se heshti para se të mblidhte mendimet e tij për të përfunduar fjalinë: "Për sa kohë je kthyer?"

Presidenti vazhdoi, duke thënë se "Kancelari i Gjermanisë" e pyeti atë se si - dhe SHBA-të - do të përgjigjeshin nëse, hipotetikisht, mijëra njerëz do të sulmonin Dhomën e Komunëve të Britanisë dhe të vrisnin dy oficerë policie britanikë, për të të ndaluar zgjedhjen e kryeministrit.

François Mitterrand ishte president i Francës midis viteve 1981 dhe 1995. Ai vdiq në 1996./Fox News -Syri.net