Ushtria izraelite pranoi sot se kreu një sulm ajror, në të cilën u vranë dy gazetarë që punonin për Al Jazeera në Rripin e Gazës të dielën, duke shtuar se kishte në shënjestër terroristët.

IDF theksoi se është në dijeni se gjatë sulmit janë goditur edhe dy persona të tjerë që ishin në të njëjtën automjet me terroristin.

Një nga të vrarët në sulm ishte gazetari dhe operatori i dronëve që punonte për Al Jazeera, Mustafa Turay, tha për CNN shefi i zyrës së rrjetit televiziv në Jerusalem dhe Ramallah, Walid al-Omari.

Turaya ishte një nga disa gazetarë, duke përfshirë fotoreporterin Hamza Al-Dahduh, i cili shkoi në Rafah për të raportuar mbi pasojat e një sulmi izraelit në shtëpinë e familjes së Abu al-Naj që vrau dhjetëra njerëz, tha Al-Omari.

Ndërsa po ktheheshin në Khan Yunis, dronët izraelitë shënjestruan dy makina – makinën e parë, ku ndodhej Hamza dhe Mustafai dhe shoferi, dhe makinën e dytë ku ndodhej një reporter dhe shoferi i Palestine Today.