Dhjetra emra të profilit të lartë, përfshirë njerëz të familjeve mbretërore, politikanë dhe shkencëtarë të famshëm, u shfaqën në një ortek dokumentesh të gjykatës në lidhje me Jeffrey Epstein-in që u bënë publike të mërkurën.

Dokumentet e paraqitura në padinë e akuzueses të Epstein-it Virginia Giuffre në vitin 2015 kundër "zonjës" së agresorit seksual të vdekur, Ghislaine Maxwell përfshinte referenca për princin Andrew, ish-presidentin Bill Klinton dhe Stephen Hawking, midis figurave të tjera të mëdha.

Lista e gjatë e emrave të famshëm paraqet një pamje shqetësuese të jetës së dyfishtë të Epstein-it si një financier i zoti i cili përdori pasurinë dhe lidhjet e tij për të viktimizuar dhjetëra gra të reja.

40 dokumentet e sapohapura janë pjesë e një grupi më të madh prej rreth 250 në total që pritet të nxirren në ditët në vijim - duke lidhur më shumë se 170 njerëz me Epstein-in, përfshirë viktimat dhe ish-punonjësit.

Para daljes së dokumenteve, në rrjet u spekulua se kush mund të ishte. Moderatori Jimmy Kimmel, për shembull, nuk doli në dokumente, por u detyrua të mbrohej nga talljet në orët para se të fillonte nxjerra zyrtare e dokumenteve.

Më poshtë janë të gjithë njerëzit e famshëm që janë shfaqur në dokumentet e reja:

Princi Andrew

Përveç akuzave të Giuffre-s, ajo u detyrua të bënte seks me princin Andrew ndërsa ishte e mitur, dokumentet zbulojnë pretendime shtesë në lidhje me pjesëtarin e familjes mbretërore britanike, përfshirë edhe akuzën se ka marrë pjesë në një orgji me vajza të mitura.

Një grua, e identifikuar si "E Panjohura 3", dëshmoi se ajo ishte "detyruar të kryente marrëdhënie seksuale me këtë princin kur ishte e mitur në tre vendndodhje gjeografike", sipas një dokumenti gjyqësor të vitit 2014.

Këto përfshinin apartamentin e Ghislaine Maxwell-it në Londër, një vendndodhje të paspecifikuar në New York dhe "në ishullin privat të Epsteinit në Ishujt e Virgjër të SHBA-ve (në një orgji me shumë vajza të tjera të mitura)".

Dokumenti gjithashtu pretendon se Epstein-i i tha "skllaves së seksit" t'i jepte princit gjithçka që ai kërkonte.

Një tjetër akuzuese e Epstein-it, Johanna Sjoberg, tha në deponimin e saj se princ Andrew i preku gjoksin ndërsa ata po pozonin për një foto në një shtrat në Manhattan Townhouse të Epstein-it në vitin 2001.

Në të njëjtën foto, Sjoberg dëshmoi se princi i preku gjoksin Giuffre-s me një kukull që i ngjante atij. Princ Andrew dhe Buckingham Palace i kanë mohuar vazhdimisht të gjitha akuzat kundër tij.

Bill Klinton

Emri i ish-presidentit Bill Klinton shfaqet 73 herë në dokumentet e dala, vuri në dukje Independent - por ai nuk është i implikuar në asgjë të paligjshme. Si pjesë e dëshmisë së saj në vitin 2016, Sjoberg kujtoi Epstein-in duke i thënë asaj se Klintonit "i pëlqejnë të reja", duke iu referuar vajzave. Klintoni - i cili ka fluturuar me avionin privat të Epstein-it disa herë - ka mohuar të ketë njohuri për krimet perversit.

Donald Trump

Ish-presidenti Donald Trump u shfaq të paktën katër herë në dokumentet e hapura. Në deponimin e Sjobergut, ajo përshkroi se si Epstein një herë "i telefonoi" manjatit të pasurive të patundshme dhe i sugjeroi të vizitonte një nga kazinotë e tij kur avioni privat i Epstein-it u devijua nga New York City në Atlantic City, New Jersey.

"Jeffrey tha, 'Shkëlqyeshëm, do t'i telefonojmë Trump-it dhe do të shkojmë' - s'më kujtohet emri i kazinosë, por - 'do të shkojmë në kazino,'" dëshmoi Sjobergu.

Sjoberg më vonë shtoi se s'i ka bërë kurrë masazh Trump-it.

Në deponimin e saj, Giuffre tha që ajo ishte joshur të punonte si masazhiere për Epstein-in kur ishte 17 vjeçe ndërkohë që punonte si punonjëse spa-je në resortin e Mar-a-Lagos së Trump-it në Palm Beach, Florida.

Alan Dershowitz

Epstein dyshohet se e detyroi Të Panjohurën 3 "të kryente marrëdhënie seksuale" me avokatin e tij, ish-profesorin e Harvard Law Alan Dershowitz, kur ajo ishte "e mitur", sipas pretendimeve në dokumente.

Incidentet e supozuara ndodhën "jo vetëm në Florida, por... në aeroplanë privatë, në Nju Jork, Nju Meksiko dhe Ishujt e Virgjër të SHBA-ve", thuhej në një dosje, duke shtuar se Dershowitz ishte gjithashtu një "dëshmitar okular i abuzimit seksual të shumë të miturave të tjera."

Dershowitz, 85 vjeç, ka mohuar të gjitha akuzat për keqbërje. Ai mbrojti veten dhe bashkëpunëtorët e tjerë të Epstein-it në fillim të kësaj jave.

"Mund t'i gjykoni për gjykim të keq, por nuk mund të arrini në përfundimin se çdo akuzë kundër tyre është e vërtetë pa dëgjuar provat," këmbënguli ai.

Stephen Hawking

Epstein ofroi një shpërblim për miqtë, të njohurit madje edhe anëtarët e familjes së Giuffre-s që të "ndihmonte të provonte" se pretendimet e saj se fizikani teorik dhe kozmologu Stephen Hawking mori pjesë në një orgji ishin të rreme, thuhet në një email midis tij dhe Maxwell-it.

Mesazhi i janarit të vitit 2015 tha se pretendimi më i fortë i Giuffre-s "është darka e Klintonit dhe versioni i ri në Ishujt e Virgjër që Stephen Hawking mori pjesë në një orgji me të mitura".

Hawking – karriera e shkëlqyer e të cilit së bashku me betejën e tij me ALS-në e hershme u dokumentua në filmin fitues të Oskarit "The Theory of Everything" – vdiq në vitin 2018 në moshën 76-vjeçare.

Al Gore

Avokatët e Maxwell-it kërkuan që Giuffre të sigurojë foto ose video të saj me disa njerëz të profilit të lartë - duke përfshirë ish-zëvendëspresidentin Al Gore. Ekipi i Giuffre-s e kundërshtoi kërkesën me arsyetimin se dokumente të tilla ishin në duart e Maxwell-it dhe Epstein-it, tregointe letra e hapur. Sjobergu, në dëshminë e saj, mohoi ta ketë takuar Al Gore-in.

Leslie Wexner

Gjatë deponimit të saj, Maxwell mohoi t'i kishte dhënë një gruaje një veshje me natyrë seksuale Leslie Wexner-it, këshilltare financiare e Epstein-it dhe ish-partnere biznesi.

Maxwell tha gjithashtu se ajo nuk kishte komunikuar me themeluesin miliarder L Brands – lidhjet e të cilit me Epstein-in datojnë në vitet 1980 – për padinë e Giuffre-s.

Në dëshminë e saj, Sjobergu mohoi takimin me manjatin e Victoria's Secret. Wexner ka thënë se ai "nuk ka qenë në dijeni të aktivitetit të paligjshëm" për të cilin akuzohej Epstein-i.

Bill Richardson

Giuffre dëshmoi se Maxwell e dërgoi atë për të bërë seks me guvernatorin e ndjerë të Nju Meksikos, Bill Richardson, sipas dokumenteve. Sjoberg kujtoi gjithashtu se kishte dëgjuar për demokratin që ishte pjesë e rrethit të Epstein-it.

"Ai duhej të vinte për darkë kur ne ishim në Nju Meksiko. Nuk e di nëse e kam takuar. Besoj se ai dhe Ghislaine kanë darkuar veçmas nga unë", tha ajo në deponimin e saj.

Richardson vdiq në shtator në moshën 75-vjeçare.

Jean-Luc Brunel

Një nga burrat me të cilin Maxwell e urdhëroi Giuffre-n të bënte seks ishte miku i ngushtë i Epstein-it, skauti francez i modelingut Jean-Luc Brunel, dëshmoi Giuffre në vitin 2016. Sjoberg kujtoi gjithashtu takimin me Brunelin në shtëpinë e Epstein-it në Palm Beach, por dëshmoi se ajo nuk kishte marrëdhënie seksuale me të. Brunel u vetëvra në dhjetor të vitit 2020 ndërsa ishte në një burg parizien me akuzën e përdhunimit të vajzave të mitura.

Marvin Minsky

Në deklaratën e saj të vitit 2016, Giuffre pretendoi se Maxwell e urdhëroi të bënte seks me shkencëtarin kompjuterik dhe pionierin e IA-së, Marvin Minsky. Minsky – i cili mori një grant prej 100,000 dollarësh nga Epstein-i në vitin 2002, sipas revistës Nature – vdiq në vitin 2016 në moshën 88-vjeçare.

Michael Jackson

Sjoberg pretendoi se ishte takuar me ikonën e popit Michael Jackson në shtëpinë e Epstein-it në Palm Beach. Ajo mohoi t'i kishte bërë masazh Jackson-it - i cili vdiq në vitin 2009 në moshën 50-vjeçare.

David Copperfield

Sjoberg përshkroi magjistarin David Copperfield duke kryer truke në një darkë në një nga shtëpitë e Epstein-it. "Ai më pyeti nëse isha në dijeni që vajzat paguheshin për të gjetur vajza të tjera", shtoi ajo, duke vënë në dukje se iluzionisti nuk specifikoi se çfarë donte të thoshte.

Tom Pritzker

Në deklaratën e saj të vitit 2016, Giuffre pretendoi se kishte bërë seks "një herë" me trashëgimtarin e zinxhirit të hoteleve Hyatt, Tom Pritzker. Një zëdhënës i Pritzker - i cili vlerësohet të ketë një vlerë prej 6.2 miliardë dollarësh në Indeksin e Miliarderëve të Bloomberg - tha se ai "vazhdon të mohojë me forcë" akuzat.

Glenn Dubin

Maxwell "dërgoi" Giuffre-n për t'i bërë miliarderit një masazh erotik pasi ajo përfundoi "trajnimin" e saj si pjesë e enturazhit të Epstein-it, dëshmoi Giuffre.

"Ghislaine më tha të shkoja te Glenn Dubin dhe t'i bëja një masazh, që do të thotë seks," tha Giuffre për takimin e saj me investitorin.

Gruaja e Dubin-it, ish-Miss Suedia dr. Eva Andersson-Dubin, ishte në lidhje me Epstein-in për disa vite.

Në deklaratën e saj, Sjoberg kujtoi se i kishte bërë masazhe Dubin-it dhe Andersson-Dubin-it, por tha se "nuk kishte asgjë seksuale" në to.

Çifti mohoi pretendimet e Giuffre kundër tyre në një artikull të Vanity Fair të vitit 2019.

"Dubinët i mohojnë me forcë këto akuza, siç thamë fillimisht [në Vanity Fair] në vitin 2019, kur këto deklarata të pabazuara u shfaqën për herë të parë si pjesë e të njëjtit proces gjyqësor civil", tha një zëdhënës i çiftit për The Post të enjten.

Frédéric Fékkai

Epstein mund të ketë blerë gra për stilistin e famshëm francez Frédéric Fékkai, pohoi Sjoberg në deponimin e saj.

"Dëgjova [Epstein-in] t'i telefononte dikujt e t'i thoshte, ‘Fekkai është në Hawaii. A mund të gjejmë disa vajza për të?", shpjegoi Sjobergu.

Ehud Barak

Në deklaratën e saj, Sjoberg mohoi të ketë takuar ndonjëherë ish-kryeministrin izraelit Ehud Barak gjatë kohës së saj me Epstein-in.

Pranverën e kaluar, politikani i lartë pranoi për Wall Street Journal se kishte pasur të bënte me Epstein-in në Nju Jork, por pretendoi se kurrë nuk e kishte takuar biznesmenin "me vajza apo të mitura, apo me gra të rritura në një kontekst apo sjellje të papërshtatshme".

Kevin Spacey

Sjoberg mohoi të ishte kryqëzuar me aktorin Kevin Spacey, i cili u lirua në korrik nga disa akuza në lidhje me sulmet e supozuara seksuale ndaj djemve të rinj midis vitit 2001 dhe 2013.

George Lucas

Krijuesi i "Star Wars" George Lucas u përmend një herë në dokumentet e reja - kur Sjoberg mohoi se e kishte takuar titanin e filmave në rrethin e Epstein-it.

Naomi Campbell

Giuffre dëshmoi në vitin 2016 se Maxwell e dërgoi për të bërë seks me "pronarin e një zinxhiri të madh hotelesh në Francë në festën e ditëlindjes së Naomi Campbell-it", megjithëse ajo nuk e specifikoi vitin.

Më parë kanë dalë foto të Giuffre-s duke qëndruar pranë Campbell-it në një jaht në Rivierën Franceze në 2001.

Sjoberg tha se ajo nuk e kishte takuar supermodelen britanike në deponimin e saj.

Campbell tha në vitin 2019 se ajo ishte shoqëruar herë pas here me Epstein-in, por se nuk ishte e afërt me të dhe se veprimet e tij ishin "të pambrojtshme".

Leonardo di Caprio, Cate Blanchett, Cameron Diaz dhe Bruce Willis

Si pjesë e deklaratës së saj, Sjoberg u pyet për raportet e shtypit se ajo kishte takuar disa yje të Hollivudit – përfshirë Cate Blanchett dhe Leonardo DiCaprio – gjatë kohës së saj me Epstein-it.

Ajo mohoi t'i kishte takuar, por tha se Epstein ishte mburrur me të se kishte lidhje me të famshmin ndërsa ajo po i bënte masazh.

Sjoberg mohoi një raport të shtypit se ajo u takua me disa yje të Hollivudit gjatë kohës së saj me Epstein.

"Nuk i kam takuar, jo. Kur fola për ta, ishte kur po e masazhoja, dhe ai zbriste - ai fliste shumë në telefon në atë kohë, dhe një herë ai tha: "Ai ishte Leonardo" ose "Kjo ishte Cate Blanchett, ose Bruce Willis. Një gjë e tillë," sqaroi Sjoberg në deponimin e saj.

Kur u pyet nëse ajo e kishte takuar Cameron Diaz si pjesë e rrethit të Epstein, Sjoberg tha "jo"./ Nypost.com-përktheu Syri.net