Një raport i ri zbuloi se mjeti spiun kineze që fluturoi mbi SHBA në fillim të këtij viti po komunikonte me Kinën kontinentale nëpërmjet një ofruesi amerikan të internetit.

Dy zyrtarë aktualë dhe një ish-zyrtar i administratës së Biden-it i thanë NBC News në një raport të enjten se mjeti përdorte një ofrues interneti në SHBA për të marrë kryesisht komunikime navigimi.

NBC News nuk e përmendi ofruesin e internetit në raport. Kompania mohoi që mjeti spiun kinez kishte përdorur shërbimet e saj dhe kishte arritur në këtë përfundim nëpërmjet hetimeve të saj si dhe duke biseduar me zyrtarët amerikanë.

Një zyrtar tha se mjeti spiun, që u qëllua nga ushtria amerikane në brigjet e Karolinës së Jugut me 4 shkurt, përdori të dhëna me gjerësi të lartë brezi për të dërguar informacione.

Raporti tha gjithashtu se administrata Biden i kërkoi Gjykatës së Mbikëqyrjes së Inteligjencës së Jashtme për një urdhër shumë të fshehtë për të mbledhur informacione mbi mjetin ndërsa fluturonte mbi disa shtete.

Zyrtarët thanë se urdhri ka lejuar qeverinë të monitoronte komunikimet e mjetit spiun gjatë udhëtimit të tij.

Disa zyrtarë thanë në raport se, në të kaluarën, Kina ka përdorur në mënyrë të fshehtë ofruesit tregtarë të internetit në vende të ndryshme si rrjete komunikimi rezervë. Rrjetet e koduara shpesh kërkohen për sigurinë e tyre.

Zëdhënësi i ambasadës kineze Liu Pengyu pohoi për NBC News se mjeti ishte një balonë meteorologjike që kishte dalë jashtë kursit.

"Siç e kishim bërë të qartë më parë, balona, e përdorur për kërkime meteorologjike, u zhvendos pa dashje në SHBA për shkak të erërave perëndimore dhe aftësive të saj të kufizuar vetëdrejtuese," tha Liu. “Faktet janë të qarta”.

Zyra e Drejtorit të Inteligjencës Kombëtare nuk pranoi të komentojë për Fox News Digital. Fox News Digital kontaktoi Shtëpinë e Bardhë dhe Ambasadën Kineze për komente.

Pavarësisht se zyrtarët e administratës Biden siguruan publikun amerikan se balona spiune kineze nuk grumbullonte dhe transmetonte të dhëna, një telefonatë anonime paraqet një pamje të ndryshme të zyrtarëve të lartë që fshehin informacione rreth balonës.

Sipas NBC News, një telefonatë e 27 janarit midis këshilltarit më të lartë ushtarak të presidentit Biden, gjeneral Mark Milley, dhe shefit të NORAD-it, gjeneralit Glen VanHerck, hedh dritë të re mbi balonën e vëzhgimit të Kinës. Rrjeti gjithashtu raportoi se administrata fillimisht shpresonte ta mbante sekret ekzistencën e balonës nga Kongresi dhe publiku, duke përmendur ish-zyrtarë dhe zyrtarë aktualë të shumtë të administratës dhe kongresit.

“Para se të shihej publikisht, kishte synim për ta studiuar dhe për ta lënë të kalonte dhe të mos i tregohej askujt për të”, tha një ish-zyrtar i lartë amerikan për NBC-në.

Një zyrtar i lartë i administratës Biden mohoi pretendimet për një përpjekje për të fshehur incidentin, duke thënë se vendimet ishin marrë për të mbrojtur kapacitetet sensitive të informacioneve./Fox News - Syri.net