Një protestuese 12-vjeçare doli në skenën e samitit të klimës COP28 në Dubai sot, duke mbajtur një tabelë mbi kokën e saj ku shkruhej: “Ndaloni karburantet fosile. Shpëtoni planetin tonë dhe të ardhmen tonë”.

Licypriya Kangujam, aktiviste për mbrojtjen e klimës, u shoqërua nga nga rojet e sigurisë. Pas heshtjes që mbretëroi teksa vajza protestonte fort, pjesëmarrësit e samitit e duartrokitën në fund.

Drejtori i samitit COP28, Majid Al Suwaidi, i cili u ngjit në foltore pas saj, tha se e admiron entuziazmin e të rinjve në samitin në Dubai, dhe i ftoi të pranishmit t’i jepnin vajzës së vogël një tjetër duartrokitje.

Licypriya postoi një video të saj duke dalë në skenë me mbishkrimin: “Këtu është video e plotë e protestës sime sot që ndërpreu seancën plenare të nivelit të lartë të OKB-së #COP28UAE. Pas kësaj proteste më ndaluan për mbi 30 minuta. Krimi i vetëm i imi është që po bëj thirrje për heqjen graduale të karburanteve fosile sepse ato janë shkaku kryesor i krizës së sotme klimatike. Tani më kanë përjashtuar nga COP28”.

Protestat publike janë të kufizuara në bisedimet e Kombeve të Bashkuara të mbajtura në Emiratet e Bashkuara Arabe. Autoritetet e atij vendi ndalojnë punën e shumë grupeve të organizuara, duke përfshirë partitë politike dhe sindikatat. Të hënën, vendet pjesëmarrëse morën një draft të ri të tekstit të marrëveshjes përfundimtare.

Here is the full video of my protest today disrupting the UN High Level Plenary Session of #COP28UAE. They detained me for over 30 minutes after this protest. My only crime- Asking to Phase Out Fossil Fuels, the top cause of climate crisis today. Now they kicked me out of COP28. pic.twitter.com/ToPIJ3K9zM

— Licypriya Kangujam (@LicypriyaK) December 11, 2023